ਜੁਲਾਈ ਦੇ ਮਹੀਨੇ ਕੈਨੇਡਾ ਵਿੱਚ ਘਰਾਂ ਦੀ ਵਿਕਰੀ ਨੇ ਤੋੜੇ ਰਿਕਾਰਡ

ਕਨੇਡੀਅਨ ਰੀਅਲ ਏਸਟੇਟ ਐਸੋਸੀਏਸ਼ਨ ਦਾ ਕਹਿਣਾ ਹੈ ਕਿ ਜੁਲਾਈ ਦੇ ਮਹੀਨੇ ਕੈਨੇਡਾ ਵਿੱਚ ਘਰਾਂ ਦੀ ਵਿਕਰੀ ਦੇ ਅੰਕੜੇ ਨੇ ਇੱਕ ਨਵਾਂ ਰਿਕਾਰਡ ਕਾਇਮ ਕੀਤਾ ਹੈ।

ਜੁਲਾਈ 2020 ਦੌਰਾਨ ਕੈਨੇਡਾ ਵਿੱਚ 62,355 ਘਰ ਵਿਕੇ, ਅਤੇ 40 ਸਾਲਾਂ ਦੇ ਡਾਟਾ ਮੁਤਾਬਕ ਇਹ ਅੰਕੜਾ, ਸਭ ਤੋਂ ਵੱਧ ਹੈ।

ਪਿਛਲੇ ਸਾਲ ਦੇ ਜੁਲਾਈ ਮਹੀਨੇ ਦੇ ਮੁਕਾਬਲੇ, ਇਸ ਸਾਲ ਇਸ ਮਹੀਨੇ ਘਰਾਂ ਦੀ ਵਿਕਰੀ ਵਿੱਚ 30.5% ਦਾ ਵਾਧਾ ਦਰਜ ਕੀਤਾ ਗਿਆ ਹੈ।

ਨਾਲ ਹੀ, ਜੂਨ 2020 ਦੀ ਤੁਲਨਾ ਵਿੱਚ ਜੁਲਾਈ ਦੇ ਮਹੀਨੇ ਘਰਾਂ ਦੀ ਵਿਕਰੀ 26% ਵੱਧ ਰਹੀ।

ਇਸ ਅੰਕੜੇ ਵਿੱਚ ਇਹ ਉਛਾਲ, ਜੁਲਾਈ ਦੇ ਮਹੀਨੇ ਲਿਸਟ ਹੋਣ ਵਾਲੇ ਘਰਾਂ ਦੀ ਸੰਖਿਆ ਵਿੱਚ ਪਿਛਲੇ ਮਹੀਨੇ ਦੇ ਮੁਕਾਬਲੇ 7.6% ਦਾ ਵਾਧਾ ਦਰਜ ਕੀਤੇ ਜਾਣ ਦੇ ਚੱਲਦੇ ਆਇਆ ਹੈ।

ਐਸੋਸੀਏਸ਼ਨ ਦੇ ਮੁਤਾਬਕ ਰਾਸ਼ਟਰੀ ਪੱਧਰ 'ਤੇ ਇੱਕ ਔਸਤ ਘਰ ਦੀ ਕੀਮਤ $571,500 ਰਹੀ, ਜੋ ਕਿ ਜੁਲਾਈ 2019 ਦੇ ਮੁਕਾਬਲੇ 14.3% ਵੱਧ ਹੈ।