9.79C Vancouver 9.79C VancouverDec 15, 2020 10:57 PM -
ਕਨੇਡੀਅਨ ਰੀਅਲ ਐਸਟੇਟ ਐਸੋਸੀਏਅਸ਼ਨ ਦਾ ਕਹਿਣਾ ਹੈ ਕਿ ਨਵੰਬਰ ਮਹੀਨੇ 'ਚ ਘਰਾਂ ਦੀ ਔਸਤਨ ਕੀਮਤ 'ਚ 13.8% ਦਾ ਵਾਧਾ ਦਰਜ ਕੀਤਾ ਗਿਆ ਹੈ।
ਇਸ 'ਚ ਗ੍ਰੇਟਰ ਵੈਨਕੂਵਰ ਅਤੇ ਗ੍ਰੇਟਰ ਟੋਰੌਂਟੋ ਇਲਾਕਿਆਂ 'ਚ ਘਰਾਂ ਦੀ ਵਿਕਰੀ ਦਾ ਵਧੇਰੇ ਪ੍ਰਭਾਵ ਦੱਸਿਆ ਗਿਆ ਹੈ।
ਐਸੋਸੀਏਅਸ਼ਨ ਦਾ ਕਹਿਣਾ ਹੈ ਕਿ ਘਰਾਂ ਦੀ ਔਸਤਨ ਕੀਮਤ $603,000 ਸੀ।
ਹਾਲਾਂਕਿ ਜੇਕਰ ਵੈਨਕੂਵਰ ਅਤੇ ਟੋਰੌਂਟੋ ਦੇ ਬਾਜ਼ਾਰਾਂ ਨੂੰ ਹਟਾ ਦਿੱਤਾ ਜਾਵੇ, ਤਾਂ ਇਹ ਕੀਮਤ ਡਿੱਗ ਕੇ $122,000 'ਤੇ ਆ ਜਾਂਦੀ ਹੈ।
ਬੀਤੇ ਸਾਲ ਦੇ ਨਵੰਬਰ ਮਹੀਨੇ ਦੇ ਮੁਕਾਬਲੇ, ਇਸ ਸਾਲ ਨਵੰਬਰ ਮਹੀਨੇ 'ਚ ਸੇਲਸ ਗਤੀਵਿਧੀਆਂ 'ਚ 32% ਦਾ ਵਾਧਾ ਦੱਸਿਆ ਗਿਆ।
ਐਸੋਸੀਏਅਸ਼ਨ ਦਾ ਕਹਿਣਾ ਹੈ ਕਿ ਗ੍ਰੇਟਰ ਵੈਨਕੂਵਰ, ਫਰੇਜ਼ਰ ਵੈਲੀ, ਚਿਲਿਵੈਕ, ਓਕਾਨਾਗਨ ਵੈਲੀ, ਵਿਕਟੋਰੀਆ ਅਤੇ ਵੈਨਕੂਵਰ ਆਈਲੈਂਡ 'ਚ ਕੁਝ ਸਾਲਾਂ 'ਚ ਕੀਮਤਾਂ 'ਚ ਵਾਧੇ ਦਰਜ ਕੀਤੇ ਗਏ ਹਨ।
