11.75C Vancouver 11.75C VancouverAug 4, 2022 7:11 PM - The Canadian Press
ਕੈਨੇਡਾ ਦੀ ਮਿਲਟਰੀ ਵੱਲੋਂ ਆਪਣਾ ਟਰੇਨਿੰਗ ਮਿਸ਼ਨ ਮੁੜ ਤੋਂ ਸ਼ੁਰੂ ਕੀਤਾ ਜਾ ਰਿਹਾ ਹੈ ਜਿਸ ਤਹਿਤ ਯੂਕਰੇਨ ਨੂੰ ਰੂਸੀ ਫੌਜ ਨਾਲ ਜੰਗ 'ਚ ਤਿਆਰੀ ਲਈ ਮਦਦ ਪ੍ਰਦਾਨ ਕੀਤੀ ਜਾਵੇਗੀ।
ਰੱਖਿਆ ਮੰਤਰੀ ਅਨੀਤਾ ਅਨੰਦ ਦਾ ਕਹਿਣਾ ਹੈ ਕਿ ਕਨੇਡੀਅਨ ਆਰਮਡ ਫੋਰਸਿਸ ਦੇ 225 ਮੈਂਬਰ ਯੂ.ਕੇ. ਪਹੁੰਚਣਗੇ।
ਇਹ ਮੈਂਬਰ ਸ਼ੁਰੂਆਤ 'ਚ 4 ਮਹੀਨੇ ਲਈ ਯੂ.ਕੇ. ਪਹੁੰਚ ਰਹੇ ਹਨ।
ਉਨ੍ਹਾਂ ਦੱਸਿਆ ਕਿ ਕਨੇਡੀਅਨ ਆਰਮਡ ਫੋਰਸਿਸ ਦੇ ਮੈਂਬਰ ਐਡਮੰਟਨ ਤੋਂ ਉਡਾਣ ਭਰਨਗੇ ਅਤੇ ਬ੍ਰਿਟੇਨ, ਨੀਦਰਲੈਂਡਸ ਅਤੇ ਨਿਊਜੀਲੈਂਡ ਦੀਆਂ ਟੀਮਾਂ ਨਾਲ ਮਿਲ ਕੇ ਸਿਖਲਾਈ ਪ੍ਰਦਾਨ ਕਰਨਗੇ।
ਯੁਕ੍ਰੇਨੀਅਨ ਫੌਜਾਂ ਨੂੰ ਫਰੰਟਲਾਈਨ ਕੌਂਬੈਟ, ਹਥਿਆਰਾਂ ਨੂੰ ਹੈਂਡਲ ਕਰਨਾ, ਫਰਸਟ ਏਡ ਪ੍ਰਦਾਨ ਕਰਨਾ, ਫੀਲਡ ਕਰਾਫਟ, ਪੈਟਰੋਲ ਤਕਨੀਕਾਂ ਅਤੇ ਹੋਰ ਅਜਿਹੇ ਜੰਗੀ ਟੈਕਟਿਕਸ ਦੀ ਸਿਖਲਾਈ ਪ੍ਰਦਾਨ ਕੀਤੀ ਜਾਵੇਗੀ।
ਰੱਖਿਆ ਮੰਤਰੀ ਨੇ ਦੱਸਿਆ ਕਿ ਫੈਡਰਲ ਸਰਕਾਰ ਯੁਕ੍ਰੇਨੀਅਨ ਮਿਲਟਰੀ ਨੂੰ ਟਰੇਨਿੰਗ ਤੋਂ ਇਲਾਵਾ 39 ਆਰਮਰਡ ਵਾਹਨ ਵੀ ਪ੍ਰਦਾਨ ਕਰਨ ਜਾ ਰਹੀ ਹੈ।
ਅਨੀਤਾ ਅਨੰਦ ਨੇ ਦੱਸਿਆ ਕਿ ਇਨ੍ਹਾਂ ਵਾਹਨਾਂ 'ਚ ਮਸ਼ੀਨ ਗੰਨਸ ਅਤੇ ਹੋਰ ਮੌਡਰਨ ਤਕਨੀਕਾਂ ਉਪਲੱਬਧ ਹੋਣਗੀਆਂ।
