29.67C Vancouver 29.67C VancouverJul 18, 2025 1:12 PM - The Canadian Press
ਕੈਨੇਡਾ ਪੋਸਟ ਦੇ ਹਜ਼ਾਰਾਂ ਕਰਮਚਾਰੀਆਂ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਨੇ ਆਪਣੇ ਮੈਂਬਰਾਂ ਨੂੰ ਡਿਪਾਰਟਮੈਂਟ ਦੇ ਨਵੇਂ ਪ੍ਰਸਤਾਵ ਦੇ ਵਿਰੋਧ ਵਿਚ ਵੋਟ ਪਾਉਣ ਦੀ ਅਪੀਲ ਕੀਤੀ ਹੈ, ਇਸ ਪ੍ਰਸਤਾਵ 'ਤੇ ਕੈਨੇਡਾ ਇੰਡਸਟਰੀਅਲ ਰਿਲੇਸ਼ਨ ਬੋਰਡ 21 ਜੁਲਾਈ ਤੋਂ 1 ਅਗਸਤ ਵਿਚਕਾਰ ਵੋਟ ਕਰਵਾਉਣ ਵਾਲਾ ਹੈ, ਜਿਸ ਵਿਚ ਕਰੀਬ 53,000 ਡਾਕ ਸੇਵਾ ਕਰਮਚਾਰੀ ਸਿੱਧੇ ਤੌਰ 'ਤੇ ਸ਼ਾਮਲ ਹੋਣਗੇ।
ਯੂਨੀਅਨ ਅਤੇ ਕੈਨੇਡਾ ਪੋਸਟ ਵਿਚਕਾਰ ਮਸਲਾ ਨਾ ਸੁਲਝਦਾ ਦੇਖਦੇ ਹੋਏ ਫੈਡਰਲ ਜੌਬਸ ਮੰਤਰੀ ਪੈਟੀ ਹਾਜਦੂ ਨੇ ਪਿਛਲੇ ਮਹੀਨੇ ਵਰਕਰਾਂ ਤੋਂ ਪ੍ਰਸਤਾਵ 'ਤੇ ਸਿੱਧੇ ਵੋਟਿੰਗ ਕਰਵਾਏ ਜਾਣ ਦਾ ਹੁਕਮ ਦਿੱਤਾ ਸੀ।
ਦਰਅਸਲ, ਕੈਨੇਡੀਅਨ ਪੋਸਟਲ ਵਰਕਰਜ਼ ਯੂਨੀਅਨ ਦੇ ਨੁਮਾਇੰਦਿਆਂ ਨੇ ਜੂਨ ਦੇ ਸ਼ੁਰੂ ਵਿਚ ਪੇਸ਼ਕਸ਼ ਨੂੰ ਰੱਦ ਕਰ ਦਿੱਤਾ ਸੀ,ਜਿਸ ਮਗਰੋਂ ਫੈਡਰਲ ਸਰਕਾਰ ਨੇ ਸਿੱਧੇ ਵਰਕਰਾਂ ਤੋਂ ਫੈਸਲਾ ਸੁਣਨ ਦਾ ਫੈਸਲਾ ਕੀਤਾ,ਕੈਨੇਡਾ ਪੋਸਟ ਵਲੋਂ ਦਿੱਤੇ ਪ੍ਰਸਤਾਵ ਵਿਚ 4 ਸਾਲਾਂ ਵਿਚ ਤਨਖਾਹਾਂ ਵਿਚ 13 ਫੀਸਦੀ ਵਾਧਾ ਅਤੇ ਫੁਲ ਟਾਈਮ ਕਰਮਚਾਰੀਆਂ ਲਈ $1,000 ਸਾਈਨਿੰਗ ਬੋਨਸ ਸ਼ਾਮਲ ਹੈ।
