17.39C Vancouver 17.39C VancouverMar 17, 2025 5:50 PM - The Canadian Press
ਬੀ. ਸੀ. ਦੀ 35 ਸਾਲਾ ਜੈਸਮੀਨ ਮੂਨੀ- ਅਮਰੀਕਾ ਵਿਚ 11 ਦਿਨ ਹਿਰਾਸਤ ਸੈਂਟਰ ਵਿਚ ਰਹਿਣ ਮਗਰੋਂ ਘਰ ਵਾਪਸ ਆ ਚੁੱਕੀ ਹੈ। ਅਮਰੀਕੀ ਇਮੀਗ੍ਰੇਸ਼ਨ ਅਧਿਕਾਰੀਆਂ ਨੇ ਇਸੇ ਮਹੀਨੇ ਦੇ ਸ਼ੁਰੂ ਵਿਚ ਉਸ ਨੂੰ ਉਸ ਸਮੇਂ ਹਿਰਾਸਤ ਵਿਚ ਲੈ ਲਿਆ ਸੀ ਜਦੋਂ ਉਹ ਆਪਣਾ ਵਰਕ ਵੀਜ਼ਾ ਰਿਨਿਊ ਕਰਵਾਉਣ ਲਈ ਮੈਕਸੀਕੋ ਤੋਂ ਅਮਰੀਕਾ ਦੀ ਸਰਹੱਦ ਪਾਰ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਸੀ।
ਐਬਟਸਫੋਰਡ ਦੀ ਜੈਸਮੀਨ ਮੂਨੀ ਨੇ ਦੱਸਿਆ ਕਿ ਉਸ ਨੂੰ ਕੈਲੀਫੋਰਨੀਆ ਅਤੇ ਐਰੀਜ਼ੋਨਾ ਦੇ ਵੱਖ-ਵੱਖ ਹਿਰਾਸਤ ਸੈਂਟਰਾਂ ਵਿਚ ਰੱਖਿਆ ਗਿਆ, ਜੈਸਮੀਨ ਨੇ ਕਿਹਾ ਕਿ ਉਸ ਨੂੰ ਹਿਰਾਸਤ ਸੈਂਟਰ ਵਿਚ 30 ਹੋਰਾਂ ਨਾਲ ਰੱਖਿਆ ਗਿਆ ਅਤੇ ਉਸ ਨੂੰ ਆਪਣੇ ਪਰਿਵਾਰ ਤੇ ਵਕੀਲ ਨਾਲ ਗੱਲ ਕਰਨ ਲਈ ਵੀ ਬਹੁਤ ਸੀਮਤ ਸਮਾਂ ਦਿੱਤਾ ਜਾਂਦਾ ਸੀ।
ਗੌਰਤਲਬ ਹੈ ਕਿ ਜੈਸਮੀਨ ਮੂਨੀ ਇੱਕ ਕਾਰੋਬਾਰੀ ਸਲਾਹਕਾਰ ਹੈ ਅਤੇ ਉਹ 2009 ਦੀ ਅਮਰੀਕੀ ਪਾਈ ਮੂਵੀ ਸਮੇਤ ਕਈ ਟੀਵੀ ਤੇ ਫਿਲਮਾਂ ਵਿਚ ਰੋਲ ਨਿਭਾ ਚੁੱਕੀ ਹੈ। ਅਮਰੀਕੀ ਇਮੀਗ੍ਰੇਸ਼ਨ ਅਧਿਕਾਰੀਆਂ ਨੇ ਉਸ ਨੂੰ 3 ਮਾਰਚ ਨੂੰ ਹਿਰਾਸਤ ਵਿਚ ਲਿਆ ਸੀ ਅਤੇ ਸ਼ੁੱਕਰਵਾਰ ਨੂੰ ਉਸ ਦੀ ਘਰ ਵਾਪਸੀ ਹੋਈ।
