20.06C Vancouver 20.06C VancouverJul 31, 2020 4:56 PM -
ਕੋਵਿਡ-19 ਦੇ ਚੱਲਦੇ ਫ਼ੈਡਰਲ ਸਰਕਾਰ ਵੱਲੋਂ ਕੌਨਟੈਕਟ ਟ੍ਰੇਸਿੰਗ ਲਈ ਤਿਆਰ ਕਾਰਵਾਈ ਗਈ ਐਪ ਹੁਣ ਆਈਫ਼ੋਨ ਅਤੇ ਐਨਡਰੋਇਡ ਫ਼ੋਨ 'ਤੇ ਡਾਊਨਲੋਡ ਲਈ ਤਿਆਰ ਹੈ।
ਇਸ ਐਪ ਨੂੰ ਡਾਊਨਲੋਡ ਕਰਨ ਵਾਲੇ ਵਿਅਕਤੀ ਜੇਕਰ ਕਿਸੇ ਕੋਵਿਡ-19 ਪੌਜ਼ਿਟਿਵ ਵਿਅਕਤੀ ਦੇ ਸੰਪਰਕ ਵਿੱਚ ਆਉਂਦੇ ਹਨ, ਤਾਂ ਉਹਨਾਂ ਨੂੰ ਇਸ ਐਪ ਵੱਲੋਂ ਸਤਰਕ ਕੀਤਾ ਜਾਵੇਗਾ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ "ਕੋਵਿਡ ਅਲਰਟ" ਨਾਮਕ ਇਸ ਐਪ ਦੀ ਉਪਲਬਧਤਾ ਬਾਰੇ ਦੱਸਦੇ ਹੋਏ ਕਿਹਾ ਕਿ ਜਿੰਨੇ ਵੱਧ ਤੋਂ ਵੱਧ ਲੋਕ ਇਸ ਐਪ ਨੂੰ ਡਾਊਨਲੋਡ ਕਰਨਗੇ, ਇਹ ਐਪ ਉਤਨੀ ਹੀ ਵੱਧ ਅਸਰਦਾਰ ਹੋਵੇਗੀ।
ਇਹ ਐਪ, ਨਿੱਜੀ ਡਾਟਾ ਡਾਊਨਲੋਡ ਕੀਤੇ ਬਿਨਾਂ, ਫ਼ੋਨ ਦੀ ਡਿਜੀਟਲ ਪਹਿਚਾਣ ਦੇ ਆਧਾਰ ‘ਤੇ, ਬਾਕੀ ਫ਼ੋਨਾਂ ਦੇ ਸੰਪਰਕ ਵਿੱਚ ਆਏ ਹੋਣ ਬਾਰੇ ਪਤਾ ਲਗਾਉਂਦੀ ਹੈ।
ਜੇਕਰ ਇਸ ਐਪ ਨੂੰ ਡਾਊਨਲੋਡ ਕਰਨ ਵਾਲਾ ਕੋਈ ਵਿਅਕਤੀ ਕੋਵਿਡ-19 ਨਾਲ ਪੀੜਿਤ ਹੁੰਦਾ ਹੈ, ਤਾਂ ਇਹ ਐਪ ਉਹਨਾਂ ਸਾਰੇ ਐਪ ਮਾਲਕਾਂ ਨੂੰ ਚੇਤਾਵਨੀ ਭੇਜੇਗੀ ਜੋ ਉਸ ਪੀੜਿਤ ਵਿਅਕਤੀ ਦੇ ਸੰਪਰਕ ਵਿੱਚ ਆਏ ਹੋ ਸਕਦੇ ਹਨ।
ਫਿਰ ਇਹ ਐਪ ਉਹਨਾਂ ਵਿਅਕਤੀਆਂ ਨੂੰ ਆਪਣੀਆਂ ਸੂਬਾਈ ਸਿਹਤ ਸੇਵਾਵਾਂ ਨੂੰ ਸੰਪਰਕ ਕਰਨ ਲਈ ਉਤਸਾਹਿਤ ਕਰੇਗੀ।
ਟਰੂਡੋ ਨੇ ਦੱਸਿਆ ਕਿ ਫ਼ਿਲਹਾਲ ਸਿਰਫ਼ ਔਨਟੈਰੀਓ ਦੀ ਸਿਹਤ ਪ੍ਰਣਾਲੀ ਨੂੰ ਇਸ ਐਪ ਨਾਲ ਲਿੰਕ ਕੀਤਾ ਗਿਆ ਹੈ, ਪਰ ਕੈਨੇਡਾ ਵਿੱਚ ਕੋਈ ਵੀ ਵਿਅਕਤੀ ਇਸ ਨੂੰ ਡਾਊਨਲੋਡ ਕਰ ਸਕਦਾ ਹੈ ਅਤੇ ਜਲਦ ਹੀ ਬਾਕੀ ਸੂਬੇ ਵੀ ਇਸ ਨਾਲ ਜੁੜਨਗੇ।
