13.7C Vancouver 13.7C VancouverSep 8, 2020 7:23 PM -
ਕੋਵਿਡ-19 ਪੈਨਡੇਮਿਕ ਦੇ 6 ਮਹੀਨੇ ਚੱਲਣ ਤੋਂ ਬਾਅਦ ਵੀ, ਕੈਨੇਡਾ ਦੇ ਲੋਕਾਂ ਦਾ ਡਾਕਟਰਾਂ ਅਤੇ ਵਿਗਿਆਨੀਆਂ ਦੇ ਵਿਚ ਭਰੋਸਾ ਬਰਕਰਾਰ ਹੈ।
ਇਸ ਲੇਬਰ ਡੇਅ ਵੀਕਐਂਡ ਦੌਰਾਨ ਪਰੂਫ਼ ਸਟਰੈਟੇਜੀਜ਼ ਲਈ ਕੀਤੇ ਗਏ ਸਰਵੇਖਣ ਵਿਚ ਇਹ ਗੱਲ ਨਿੱਕਲ ਕੇ ਸਾਹਮਣੇ ਆਈ ਹੈ।
ਇਸ ਸਰਵੇਖਣ ਵਿਚ ਸੁਝਾਇਆ ਗਿਆ ਹੈ ਕਿ ਹਰ 10 ਵਿਚੋਂ 8 ਕੈਨੇਡੀਅਨਜ਼ ਡਾਕਟਰਾਂ 'ਤੇ ਭਰੋਸਾ ਕਰਦੇ ਹਨ ਅਤੇ ਅਤੇ ਹਰ 10 ਵਿਚੋਂ 8 ਕੈਨੇਡੀਅਨਜ਼ ਹੀ ਵਿਗਿਆਨੀਆਂ 'ਤੇ ਭਰੋਸਾ ਕਰਦੇ ਹਨ।
ਮਈ ਦੀ ਸ਼ੁਰੂਆਤ ਵਿਚ ਕੀਤੇ ਗਏ ਸਰਵੇਖਣ ਦੇ ਨਾਲ ਜੇਕਰ ਮੁਕਾਬਲਾ ਕੀਤਾ ਜਾਵੇ ਤਾਂ ਇਸ ਵਾਰ ਥੋੜਾ ਫਰਕ ਹੈ।
ਪਰ ਜਨਵਰੀ ਮਹੀਨੇ ਵਿਚ ਕੀਤੇ ਗਏ ਸਰਵੇਖਣ ਦੀ ਤੁਲਨਾ ਵਿਚ ਇਹ ਆਂਕੜਾ ਕਾਫ਼ੀ ਜ਼ਿਆਦਾ ਹੈ।
ਸੂਬੇ ਦੇ ਪ੍ਰੀਮੀਅਰ ਵੀ ਇਸ ਵੇਲੇ ਲੋਕਾਂ ਦਾ ਭਰੋਸਾ ਪੈਨਡੇਮਿਕ ਦੀ ਸਥਿਤੀ ਤੋਂ ਵੱਧ ਖਿੱਚ ਰਹੇ ਹਨ।
ਪਰ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਉੱਤੇ ਲੋਕਾਂ ਦੇ ਭਰੋਸੇ ਦਾ ਆਂਕੜਾ ਮਈ ਤੋਂ ਸਤੰਬਰ ਵਿਚਕਾਰ 39 ਫੀਸਦੀ ਤੋਂ 32 ਫੀਸਦੀ ਤੱਕ ਗਿਰ ਗਿਆ ਹੈ।
ਓਨਲਾਈਨ ਕੀਤੇ ਜਾਣ ਵਾਲੇ ਸਰਵੇਖਣ ਰੈਨਡਮ ਨਾ ਹੋਣ ਕਾਰਨ ਇਨ੍ਹਾਂ ਨੂੰ 'ਮਾਰਜਿਨ ਔਫ਼ ਐਰਰ' ਨਹੀਂ ਦਿੱਤੀ ਜਾ ਸਕਦੀ, ਅਤੇ ਇਸ ਲਈ ਜ਼ਰੂਰੀ ਨਹੀਂ ਹੈ ਕਿ ਇਹ ਸਾਰੀ ਹੀ ਅਬਾਦੀ ਦਾ ਪ੍ਰਤੀਨਿੱਧ ਕਰਨ।
