ਕੈਨੇਡੀਅਨਜ਼ ਨੇ ਕੰਜ਼ਰਵੇਟਿਵ ਪਾਰਟੀ ਨੂੰ ਦੱਸਿਆ ਆਪਣੀ ਪਸੰਦ :ਐਂਗਸ ਰੀਡ ਪੋਲ

ਐਂਗਸ ਰੀਡ ਪੋਲ ਦੇ ਤਾਜ਼ਾ ਸਰਵੇ ਵਿੱਚ ਵਧੇਰੇ ਕੈਨੇਡੀਅਨਜ਼ ਨੇ ਲਿਬਰਲ ਪਾਰਟੀ ਨਾਲੋਂ ਕੰਜ਼ਰਵੇਟਿਵ ਪਾਰਟੀ ਨੂੰ ਆਪਣੀ ਪਸੰਦ ਦੱਸਿਆ ਹੈ। ਸਰਵੇ ਵਿੱਚ ਕੰਜ਼ਰਵੇਟਿਵ ਨੂੰ ਲਿਬਰਲ ਨਾਲੋਂ 14 ਫੀਸਦੀ ਪੁਆਇੰਟ ਵਧੇਰੇ ਮਿਲੇ ਹਨ।

ਟੋਰੀ ਨੇ ਕਿਊਬੈਕ ਤੋਂ ਬਾਹਰਲੇ ਸਾਰੇ ਖੇਤਰਾਂ ਵਿੱਚ ਲੀਡ ਕੀਤਾ, ਜਿੱਥੇ 30 ਫੀਸਦੀ ਲੋਕਾਂ ਨੇ ਬਲਾਕ ਕਿਊਬੈਕਵਾ ਨੂੰ ਚੁਣਿਆ, 29 ਫੀਸਦੀ ਨੇ ਲਿਬਰਲਜ਼ ਦੀ ਹਿਮਾਇਤ ਕੀਤੀ ਅਤੇ 23 ਫੀਸਦੀ ਨੇ ਕਿਹਾ ਕਿ ਉਹ ਪੀਅਰ ਪੋਲੀਐਵ ਦੇ ਕੰਜ਼ਰਵੇਟਿਵਜ਼ ਨੂੰ ਵੋਟ ਪਾਉਣਗੇ। 54 ਤੋਂ ਵੱਧ ਉਮਰ ਦੀਆਂ 41 ਫੀਸਦੀ ਔਰਤਾਂ ਨੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਪਾਰਟੀ ਨੂੰ ਜਦਕਿ 28 ਫੀਸਦੀ ਨੇ ਕੰਜ਼ਰਵੇਟਿਵਜ਼ ਨੂੰ ਸਪੋਰਟ ਕੀਤਾ।

5 ਵਿੱਚੋਂ 2 ਵੋਟਰਜ਼ ਨੇ ਕਿਹਾ ਕਿ ਅਗਲੇ ਫੈਡਰਲ ਇਲੈਕਸ਼ਨ ਦੌਰਾਨ ਉਹ ਕਾਰਬਨ ਟੈਕਸ ਦੇ ਮੁੱਦੇ 'ਤੇ ਵਿਚਾਰ ਕਰਕੇ ਕਿਸੇ ਵੀ ਪਾਰਟੀ ਨੂੰ ਸਪੋਰਟ ਕਰਨਗੇ। ਐਂਗਸ ਰੀਡ ਇੰਸਟੀਚਿਊਟ ਵੱਲੋਂ ਇਹ ਔਨਲਾਈਨ ਸਰਵੇ 10 ਤੋਂ 14 ਨਵੰਬਰ ਵਿਚਕਾਰ ਕੀਤਾ ਗਿਆ। ਇਸ ਵਿੱਚ 2,512 ਬਾਲਗ ਕੈਨੇਡੀਅਨਜ਼ ਨੇ ਹਿੱਸਾ ਲਿਆ।