18.63C Vancouver 18.63C VancouverJan 2, 2025 7:47 PM - Connect Newsroom
ਕੈਨੇਡੀਅਨਾਂ ਨੂੰ ਨਵੇਂ ਸਾਲ ਦੀ ਪਹਿਲੀ ਜੀ.ਐਸ.ਟੀ. ਅਤੇ ਐਚ.ਐਸ.ਟੀ. ਕ੍ਰੈਡਿਟ ਭੁਗਤਾਨ ਸ਼ੁੱਕਰਵਾਰ ਨੂੰ ਜਾਰੀ ਹੋਣ ਜਾ ਰਹੀ ਹੈ। ਫੈਡਰਲ ਸਰਕਾਰ ਵਲੋਂ ਇਹ ਪੇਮੈਂਟ ਘੱਟ ਅਤੇ ਮਾਮੂਲੀ ਆਮਦਨ ਵਾਲੇ ਪਰਿਵਾਰਾਂ ਨੂੰ ਦਿੱਤੀ ਜਾਂਦੀ ਹੈ।
ਇਹ ਟੈਕਸ-ਮੁਕਤ ਤਿਮਾਹੀ ਭੁਗਤਾਨ ਹੈ, ਜਿਸ ਦਾ ਉਦੇਸ਼ ਘੱਟ ਆਮਦਨ ਵਾਲੇ ਸਿੰਗਲ ਕੈਨੇਡੀਅਨਾਂ ਅਤੇ ਪਰਿਵਾਰਾਂ ਵਲੋਂ ਉਤਪਾਦ ਅਤੇ ਸੇਵਾਵਾਂ ’ਤੇ ਕੀਤੇ ਜਾਂਦੇ ਭੁਗਤਾਨਾਂ ਦੇ ਜੀਐਸਟੀ ਅਤੇ ਐਚਐਸਟੀ ਦੀ ਭਰਪਾਈ ਕਰਨਾ ਹੈ। ਜੀ.ਐਸ.ਟੀ. ਕ੍ਰੈਡਿਟ ਭੁਗਤਾਨ ਕਿਸ ਨੂੰ ਕਿੰਨੀ ਮਿਲੇਗੀ ਇਸ ਦਾ ਹਿਸਾਬ ਪਰਿਵਾਰ ਦੀ ਕੁਲ ਆਮਦਨ ਅਤੇ ਉਨ੍ਹਾਂ ਦੇ 19 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਦੀ ਗਿਣਤੀ ਦੇ ਆਧਾਰ ਕੀਤੀ ਜਾਂਦੀ ਹੈ।
ਸਿੰਗਲ ਕੈਨੇਡੀਅਨਾਂ ਲਈ ਸਾਲਾਨਾ ਜੀ.ਐਸ.ਟੀ. ਕ੍ਰੈਡਿਟ ਭੁਗਤਾਨ $519 ਹੈ। ਵਿਆਹੇ ਜੋੜੇ ਲਈ ਇਹ ਵੱਧ ਤੋਂ ਵੱਧ $680 ਸਾਲਾਨਾ ਹੈ, ਇਸ ਤੋਂ ਇਲਾਵਾ 19 ਸਾਲ ਤੋਂ ਘੱਟ ਉਮਰ ਦੇ ਹਰੇਕ ਬੱਚੇ ਲਈ ਮਾਪੇ ਸਾਲ ਦੌਰਾਨ ਜੀ.ਐਸ.ਟੀ./ਐਚ.ਐਸ.ਟੀ. ਕ੍ਰੈਡਿਟ ਵਿਚ $179 ਤੱਕ ਦੀ ਪੇਮੈਂਟ ਪ੍ਰਾਪਤ ਕਰਨ ਦੇ ਹੱਕਦਾਰ ਹਨ।
ਇਸ ਪੇਮੈਂਟ ਲਈ ਸਾਲ ਜੁਲਾਈ ਤੋਂ ਜੂਨ ਤੱਕ ਦਾ ਹੁੰਦਾ ਹੈ, ਮੌਜੂਦਾ ਪੇਮੈਂਟ ਜੁਲਾਈ 2024 ਅਤੇ ਜੂਨ 2025 ਦਾ ਹਿੱਸਾ ਹੈ।
