17.18C Vancouver 17.18C VancouverFeb 27, 2021 1:18 AM -
ਬੀ.ਸੀ. ਲਿਬਰਲ ਪਾਰਟੀ ਆਪਣੇ ਨਵੇਂ ਲੀਡਰ ਦੀ ਚੋਣ ਅਗਲੇ ਸਾਲ ਫਰਵਰੀ 'ਚ ਕਰੇਗੀ।
ਪਾਰਟੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਲੀਡਰਸ਼ਿਪ ਦੌੜ ਦੇ ਜੇਤੂ ਲਈ ਚੋਣ 2 ਫਰਵਰੀ 2022 ਨੂੰ ਹੋਵੇਗੀ।
ਇਸ ਤੋਂ ਬਾਅਦ 5 ਫਰਵਰੀ ਨੂੰ ਲੀਡਰਸ਼ਿਪ ਦੌੜ ਦੇ ਨਤੀਜੇ ਐਲਾਨੇ ਜਾਣਗੇ।
ਅੰਤਰਿਮ ਪਾਰਟੀ ਪ੍ਰਧਾਨ, ਡੌਨ ਸਿਲਵਰਸਾਈਡਸ ਦਾ ਕਹਿਣਾ ਸੀ ਕਿ ਚੋਣਾਂ ਅਗਲੇ ਸਾਲ ਲਈ ਇਸੇ ਕਾਰਨ ਰੱਖੀਆਂ ਗਈਆਂ ਕਿ ਵੱਧ ਤੋਂ ਵੱਧ ਕੈਂਡੀਡੇਟਸ ਨੂੰ ਇਸ ਅਹੁਦੇ ਲਈ ਆਕਰਸ਼ਿਤ ਕੀਤਾ ਜਾ ਸਕੇ।
ਉਨ੍ਹਾਂ ਕਿਹਾ ਕਿ ਇਸ ਨਾਲ ਕੋਵਿਡ-19 ਪੈਂਡੈਮਿਕ 'ਤੇ ਕੁਝ ਕਾਬੂ ਪਾਉਣ 'ਚ ਸਮਾਂ ਵੀ ਮਿਲ ਸਕੇਗਾ।
ਪਾਰਟੀ ਨਾਲ ਜੁੜਨ ਲਈ ਜਾਂ ਆਪਣੀ ਮੈਂਬਰਸ਼ਿਪ ਰਿਨਿਊ ਕਰਨ ਲਈ 29 ਦਿਸੰਬਰ ਦੀ ਡੈਡਲਾਈਨ ਰੱਖੀ ਗਈ ਹੈ।
ਬੀ.ਸੀ. ਦੇ 14 ਸਾਲ ਤੋਂ ਵਧੇਰੇ ਉਮਰ ਦੇ ਲੋਕਾਂ ਲਈ ਮੈਂਬਰਸ਼ਿਪ ਖੁੱਲੀ ਹੈ।
ਯਾਦ ਰਹੇ ਫ਼ਿਲਹਾਲ ਸ਼ਰਲੀ ਬੌਂਡ ਲਿਬਰਲ ਪਾਰਟੀ ਦੀ ਅੰਤਰਿਮ ਲੀਡਰ ਹਨ।
ਐਂਡਰਿਊ ਵਿਲਕਿੰਸਨ ਦੇ ਅਸਤੀਫਾ ਦੇਣ ਤੋਂ ਬਾਅਦ ਸ਼ਰਲੀ ਬੌਂਡ ਨੇ ਅਸਥਾਈ ਤੌਰ 'ਤੇ ਪਾਰਟੀ ਲੀਡਰ ਦਾ ਅਹੁਦਾ ਸੰਭਾਲਿਆ ਸੀ।
ਸਕੀਨਾ ਰਾਈਡਿੰਗ ਤੋਂ 2 ਵਾਰ ਦੇ ਲਿਬਰਲ ਮੈਂਬਰ ਐਲਿਸ ਰੌਸ ਪਹਿਲੇ ਵਿਅਕਤੀ ਹਨ ਜਿੰਨਾ ਪਾਰਟੀ ਦੀ ਲੀਡਰਸ਼ਿਪ ਹਾਸਿਲ ਕਰਨ ਦੀ ਮਨਸ਼ਾ ਜ਼ਾਹਿਰ ਕੀਤੀ ਹੈ।
ਕੈਂਡੀਡੇਟਸ ਕੋ 30 ਨਵੰਬਰ ਤਕ ਦਾ ਸਮਾਂ ਹੈ ਜਿਸ ਦੌਰਾਨ ਉਹ ਇਸ ਅਹੁਦੇ ਲਈ ਨੁਮਾਇੰਦਗੀ ਪੇਸ਼ ਕਰ ਸਕਦੇ ਹਨ।
