9.64C Vancouver 9.64C VancouverOct 25, 2021 8:58 PM - The Canadian Press
ਬੀ.ਸੀ. 'ਚ ਹੁਣ ਰੈਸਟੂਰੈਂਟਾਂ, ਸਿਨੇਮਾ ਘਰਾਂ, ਸਪੋਰਟਿੰਗ ਈਵੈਂਟਸ ਅਤੇ ਹੋਰ ਅਜਿਹੀਆਂ ਥਾਵਾਂ 'ਤੇ ਜਾਰੀ ਇਕੱਠ ਦੀ ਗਿਣਤੀ 'ਚ ਵਧੇਰੇ ਢਿੱਲ ਦੀ ਸ਼ੁਰੂਆਤ ਹੋ ਗਈ ਹੈ।
ਦਰਅਸਲ ਸੂਬੇ 'ਚ ਹੁਣ ਤੋਂ ਵੈਕਸੀਨ ਕਾਰਡਸ ਦੀ ਸ਼ਰਤ ਲਾਗੂ ਹੋ ਚੁੱਕੀ ਹੈ।
ਇਸ ਤੋਂ ਪਹਿਲਾਂ ਇੱਕ ਵੈਕਸੀਨ ਹਾਸਿਲ ਕਰਨ ਵਾਲੇ ਲੋਕ ਵੀ ਅਜਿਹੀਆਂ ਥਾਵਾਂ 'ਤੇ ਪਹੁੰਚ ਕਰ ਸਕਦੇ ਸਨ ਪਰ ਹੁਣ ਸਿਰਫ ਪੂਰੀ ਤਰ੍ਹਾਂ ਵੈਕਸੀਨੇਟਿਡ ਲੋਕ ਹੀ ਆਪਣਾ ਵੈਕਸੀਨੇਸ਼ਨ ਦਾ ਪ੍ਰਮਾਣ ਵਿਖਾ ਕੇ ਅਜਿਹੇ ਥਾਵਾਂ 'ਤੇ ਪਹੁੰਚ ਕਰ ਸਕਣਗੇ।
ਵਿਆਹ ਜਿਹੇ ਇਕੱਠਾਂ 'ਚ ਵੀ ਲੋਕਾਂ ਦੀ ਇਕੱਤਰਤਾ ਦੀ ਗਿਣਤੀ 'ਚ ਵਧੇਰੇ ਢਿੱਲ ਵਰਤੀ ਜਾ ਸਕੇਗੀ।
ਹਾਲਾਂਕਿ ਸੂਬੇ ਦੇ ਕੁਝ ਅਜਿਹੇ ਇਲਾਕੇ ਜਿੱਥੇ ਕਿ ਵੈਕਸੀਨੇਸ਼ਨ ਦਰ ਅਜੇ ਘਟ ਹੈ ਉਨ੍ਹਾਂ ਇਲਾਕਿਆਂ 'ਚ 50% ਦੀ ਗਿਣਤੀ 'ਚ ਇਕੱਠ ਕਰਨ ਦੀ ਇਜਾਜਤ ਹੀ ਲਾਗੂ ਹੋਵੇਗੀ।
ਇਸ 'ਚ ਫਰੇਜ਼ਰ ਹੈਲਥ ਦੇ ਕੁਝ ਇਲਾਕੇ, ਇੰਟੀਰੀਅਰ ਹੈਲਥ ਅਤੇ ਨੌਰਦਰਨ ਰਿਜਨ ਸ਼ਾਮਿਲ ਹਨ।
ਕਿਸੇ ਵੀ ਈਵੈਂਟ 'ਚ ਸ਼ਾਮਿਲ ਹੁੰਦੇ ਹੋਏ ਮਾਸਕ ਪਹਿਨਣੇ ਲਾਜਮੀ ਹੋਣਗੇ ਅਤੇ ਦਾਖਿਲ ਹੋਣ ਲਈ ਬੀ.ਸੀ. ਵੈਕਸੀਨ ਕਾਰਡ ਵਿਖਾਉਣਾ ਜਰੂਰੀ ਹੋਵੇਗਾ।
ਇਹ ਸ਼ਰਤਾਂ ਘਟੋ-ਘੱਟ ਜਨਵਰੀ ਤਕ ਜਾਰੀ ਰਹਿਣਗੀਆਂ।
ਉੱਧਰ ਸੂਬੇ 'ਚ ਸਾਰੇ ਹੈਲਥ ਕੇਅਰ ਵਰਕਰਾਂ ਲਈ ਆਪਣਾ ਕੰਮ ਜਾਰੀ ਰੱਖਣ ਲਈ ਕੱਲ ਤਕ ਪੂਰੀ ਤਰ੍ਹਾਂ ਵੈਕਸੀਨੇਟ ਹੋਣਾ ਵੀ ਜਰੂਰੀ ਹੈ।
