19.44C Vancouver 19.44C VancouverDec 17, 2021 10:35 PM - The Canadian Press
ਔਂਟੈਰੀਓ ਵੱਲੋਂ ਕੋਵਿਡ-19 ਦੇ ਓਮੀਕਰੌਨ ਵੇਰੀਐਂਟ ਦੇ ਵਧਦੇ ਫੈਲਾਅ ਵਿਚਾਲੇ ਵਧੇਰੀਆਂ ਪਬੰਦੀਆਂ ਦਾ ਐਲਾਨ ਕੀਤਾ ਗਿਆ ਹੈ।
ਰੈਸਟੂਰੈਂਟਾਂ, ਬਾਰਸ ਅਤੇ ਰਿਟੇਲਰਸ ਅਤੇ ਇੰਡੋਰ ਸੋਸ਼ਲ ਇਕੱਠਾਂ ਸੰਬੰਧੀ ਪਬੰਦੀਆਂ ਲਗਾਈਆਂ ਗਈਆਂ ਹਨ।
ਸੂਬੇ 'ਚ ਆਊਟਡੋਰ ਇਕੱਠਾਂ ਨੂੰ ਵੀ 25 ਤਕ ਸੀਮਤ ਕੀਤਾ ਗਿਆ ਹੈ।
ਸਪੋਰਟਸ ਅਰੀਨਾਸ, ਸਿਨੇਮਾ ਘਰਾਂ ਅਤੇ ਹੋਰ ਵੱਡੇ ਵੈਨਿਊਸ ਵਿੱਚ ਖਾਣੇ ਅਤੇ ਡਰਿੰਕਿੰਗ 'ਤੇ ਪਬੰਦੀ ਲਗਾਈ ਜਾ ਰਹੀ ਹੈ।
ਇਹ ਨਿਯਮ ਐਤਵਾਰ ਸਵੇਰ ਤੋਂ ਲਾਗੂ ਹੋਣ ਜਾ ਰਹੇ ਹਨ।
ਇਸ ਸੰਬੰਧੀ ਸੂਬੇ ਦੇ ਪ੍ਰੀਮਿਅਰ ਡਗ ਫੋਰਡ ਨੇ ਐਲਾਨ ਕੀਤਾ।
ਹਾਲਾਂਕਿ ਇਨ੍ਹਾਂ ਨਿਯਮਾਂ ਨੂੰ ਵਿਆਹਾਂ, ਫਿਊਨਰਲਸ ਜਾਂ ਧਾਰਮਿਕ ਇਕੱਠਾਂ ਲਈ ਲਾਗੂ ਨਹੀਂ ਕੀਤਾ ਗਿਆ ਹੈ।
ਇਹ ਐਲਾਨ ਉਸ ਵੇਲੇ ਕੀਤਾ ਗਿਆ ਹੈ ਜਦ ਇੱਕ ਦਿਨ ਪਹਿਲਾਂ ਸੂਬੇ ਦੇ ਸਾਇੰਸ ਸਲਾਹਕਾਰਾਂ ਨੇ ਜਾਣਕਾਰੀ ਦਿੱਤੀ ਸੀ ਕਿ ਇਕੱਲੇ ਬੂਸਟਰ ਕੈਂਪੇਨ 'ਚ ਵਾਧੇ ਨਾਲ ਕੋਵਿਡ-19 ਦੇ ਨਵੇਂ ਵੇਰੀਐਂਟ 'ਤੇ ਕਾਬੂ ਪਾਉਣਾ ਮੁਮਕਿਨ ਨਹੀਂ ਹੈ।
ਐਕਸਪਰਟ ਪੈਨਲ ਨੇ ਸੂਬੇ 'ਚ ਸਰਕਟ ਬ੍ਰੇਕਰ ਨੂੰ ਲਿਆਉਣ ਦੀ ਮੰਗ ਕੀਤੀ ਸੀ।
ਇਸ ਪੈਨਲ ਅਨੁਸਾਰ ਸਖਤ ਪਬੰਦੀਆਂ ਦੀ ਗੈਰ-ਮੌਜੂਦਗੀ 'ਚ ਸੂਬੇ 'ਚ ਕ੍ਰਿਸਮਸ ਤਕ ਵਾਇਰਸ ਸੰਬੰਧੀ ਪ੍ਰਤੀ ਦਿਨ ਦੇ ਮਾਮਲਿਆਂ ਦੀ ਗਿਣਤੀ 10,000 ਤਕ ਪਹੁੰਚਣ ਦਾ ਖਤਰਾ ਸੀ।
