13.32C Vancouver 13.32C VancouverNov 22, 2024 5:25 PM - The Canadian Press
ਵੈਨਕੂਵਰ ਅੰਤਰਰਾਸ਼ਟਰੀ ਹਵਾਈ ਅੱਡੇ ਦੇ ਰਨਵੇਅ ’ਤੇ ਲੈਂਡਿੰਗ ਦੌਰਾਨ ਹਾਦਸਾਗ੍ਰਸਤ ਹੋਏ ਐਮਾਜ਼ਾਨ ਪ੍ਰਾਈਮ ਏਅਰ ਦੇ ਕਾਰਗੋ ਹਵਾਈ ਜਹਾਜ਼ ਨੂੰ ਉਥੋਂ ਹਟਾ ਦਿੱਤਾ ਗਿਆ ਹੈ। ਹਾਲਾਂਕਿ, ਏਅਰਪੋਰਟ ਨੇ ਕਿਹਾ ਕਿ ਉੱਤਰੀ ਰਨਵੇਅ ਅਗਲੇ ਨੋਟਿਸ ਤੱਕ ਬੰਦ ਰਹੇਗਾ ਕਿਉਂਕਿ ਅਜੇ ਇਸ ਦੇ ਸਿਸਟਮ ਅਤੇ ਬੁਨਿਆਦੀ ਢਾਂਚੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਐਮਾਜ਼ਾਨ ਪ੍ਰਾਈਮ ਏਅਰ ਦਾ ਕਾਰਗੋ ਹਵਾਈ ਜਹਾਜ਼ ਮੰਗਲਵਾਰ ਲੈਂਡਿੰਗ ਦੌਰਾਨ ਰਨਵੇਅ ਤੋਂ ਫਿਸਲ ਗਿਆ ਸੀ। ਇਸ ਦੌਰਾਨ ਇਸ ਵਿਚ ਤਿੰਨ ਚਾਲਕ ਦਲ ਦੇ ਮੈਂਬਰ ਸਵਾਰ ਸਨ, ਜੋ ਸੁਰੱਖਿਅਤ ਨਿਕਲ ਗਏ ਸਨ। ਏਅਰਪੋਰਟ ਅਥਾਰਟੀ ਨੇ ਦੱਸਿਆ ਕਿ ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਵਲੋਂ ਬੁੱਧਵਾਰ ਉਸ ਨੂੰ ਸਾਈਟ ’ਤੇ ਪਹੁੰਚਣ ਦੀ ਇਜਾਜ਼ਤ ਦੇਣ ਤੋਂ ਬਾਅਦ ਉਨ੍ਹਾਂ ਨੇ ਜਹਾਜ਼ ਤੋਂ ਮਾਲ ਉਤਾਰਨਾ ਸ਼ੁਰੂ ਕਰ ਦਿੱਤਾ ਸੀ ਅਤੇ ਇਸ ਨੂੰ ਹਟਾਉਣ ਲਈ ਕਰੇਨ ਦੀ ਵਿਵਸਥਾ ਕਰ ਦਿੱਤੀ ਸੀ।
ਏਅਰਪੋਰਟ ਨੇ ਕਿਹਾ ਕਿ ਇਹ ਬੋਇੰਗ 767 ਕਾਰਗੋ ਜੈੱਟ ਸੀ, ਜਿਸ ਨੂੰ ਰਨਵੇਅ ਕੋਲੋਂ ਹਟਾਉਣ ਲਈ ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ, ਕਾਰਗੋਜੇਟ ਅਤੇ ਏਅਰ ਕੈਨੇਡਾ ਦੀਆਂ ਟੀਮਾਂ ਨੇ ਵੀ ਮਦਦ ਕੀਤੀ।
