ਪੀ.ਐਮ.ਕਾਰਨੀ ਨੇ ਕੈਨੇਡਾ ਦਾ ਪਹਿਲਾ ਸਾਵਰੇਨ ਵੈਲਥ ਫੰਡ ਬਣਾਉਣ ਦਾ ਕੀਤਾ ਐਲਾਨ

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਕੈਨੇਡਾ ਦਾ ਪਹਿਲਾ ਸਾਵਰੇਨ ਵੈਲਥ ਫੰਡ ਬਣਾਉਣ ਦਾ ਐਲਾਨ ਕੀਤਾ ਹੈ। ਇਹ ਫੰਡ ਪ੍ਰਾਈਵੇਟ ਸੈਕਟਰ ਦੀ ਭਾਈਵਾਲੀ ਨਾਲ ਰਾਸ਼ਟਰੀ ਹਿੱਤ ਦੇ ਮੇਜਰ ਪ੍ਰੋਜੈਕਟ ਨੂੰ ਵਿੱਤੀ ਸਹਾਇਤਾ ਦੇਣ ਲਈ ਬਣਾਇਆ ਜਾ ਰਿਹਾ ਹੈ।

ਕਾਰਨੀ ਨੇ ਕਿਹਾ ਕਿ ਆਮ ਕੈਨੇਡੀਅਨ ਵੀ ਇਸ ਫੰਡ ਵਿਚ ਯੋਗਦਾਨ ਪਾਉਣ ਅਤੇ ਇਸ ਤੋਂ ਲਾਭ ਲੈਣ ਦੇ ਯੋਗ ਹੋਣਗੇ। ਪ੍ਰਧਾਨ ਮੰਤਰੀ ਮੁਤਾਬਕ, ਜੋ ਕੈਨੇਡੀਅਨ, ਦੇਸ਼ ਦੇ ਸਾਵਰੇਨ ਵੈਲਥ ਫੰਡ ਰਾਹੀਂ ਕੈਨੇਡਾ ਨੂੰ ਮਜਬੂਤ ਬਣਾਉਣ ਵਿਚ ਮਦਦ ਕਰਨਾ ਚਾਹੁੰਦੇ ਹਨ, ਫੈਡਰਲ ਸਰਕਾਰ ਉਨ੍ਹਾਂ ਲਈ ਇਸ ਫੰਡ ਵਿਚ ਨਿਵੇਸ਼ ਕਰਨਾ ਆਸਾਨ ਬਣਾਏਗੀ।

ਪੀ. ਐੱਮ. ਕਾਰਨੀ ਨੇ ਕਿਹਾ ਕਿ ਸਰਕਾਰ ਸ਼ੁਰੂ ਵਿਚ 25 ਬਿਲੀਅਨ ਡਾਲਰ ਦੀ ਸ਼ੁਰੂਆਤੀ ਰਕਮ ਨਾਲ ਇਸ ਫੰਡ ਨੂੰ ਸ਼ੁਰੂ ਕਰ ਰਹੀ ਹੈ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਹਰ ਕੋਈ ਕੈਨੇਡਾ ਵਾਸੀ ਇਸ ਫੰਡ ਵਿਚ ਨਿਵੇਸ਼ ਕਰ ਸਕਦਾ ਹੈ, ਜਿਸ ਨਾਲ ਉਸ ਨੂੰ ਉਸ ਦੇ ਹਿੱਸੇ ਦਾ ਰਿਟਨ ਮਿਲੇਗਾ।ਗੌਰਤਲਬ ਹੈ ਕਿ ਚੀਨ ਅਤੇ ਨੌਰਵੇਅ ਤੋਂ ਲੈ ਕੇ ਆਸਟ੍ਰੇਲੀਆ ਅਤੇ ਸਊਦੀ ਅਰਬ ਤੱਕ ਦੁਨੀਆ ਦੇ ਕਈ ਦੇਸ਼ਾਂ ਕੋਲ ਇਸੇ ਤਰ੍ਹਾਂ ਦੇ ਸਾਵਰੇਨ ਵੈਲਥ ਫੰਡ ਹਨ।