ਪੀ.ਐਮ. ਕਾਰਨੀ ਨੇ ਦੇਸ਼ ਦੇ ਵਿਕਾਸ ਲਈ ਬਿਲਡ ਕਮਿਊਨਿਟੀ ਸਟਰੌਂਗ ਫੰਡ ਦੀ ਸ਼ੁਰੂਆਤ ਦਾ ਕੀਤਾ ਐਲਾਨ

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਅੱਜ ਬਰੈਂਪਟਨ ਵਿਚ ਪ੍ਰੈੱਸ ਕਾਨਫਰੰਸ ਦੌਰਾਨ ਦੇਸ਼ ਦੇ ਵਿਕਾਸ ਲਈ ਬਿਲਡ ਕਮਿਊਨਿਟੀ ਸਟਰੌਂਗ ਫੰਡ ਦੀ ਸ਼ੁਰੂਆਤ ਕਰਨ ਦਾ ਅਧਿਕਾਰਤ ਐਲਾਨ ਕੀਤਾ ਹੈ। ਬਜਟ 2025 ਵਿਚ ਐਲਾਨਿਆ ਗਿਆ ਇਹ $51 ਬਿਲੀਅਨ ਦਾ ਫੰਡ ਹਸਪਤਾਲ, ਮਨੋਰੰਜਨ ਕੇਂਦਰ, ਯੂਨੀਵਰਸਿਟੀਆਂ, ਕਾਲਜ ਅਤੇ ਵਾਟਰ ਸਿਸਟਮ ਵਰਗੀਆਂ ਅਹਿਮ ਸਹੂਲਤਾਂ ਨੂੰ ਮਜ਼ਬੂਤ ਕਰਨ ਲਈ ਵਰਤਿਆ ਜਾਵੇਗਾ। ​

ਸਰਕਾਰ ਦਾ ਦਾਅਵਾ ਹੈ ਕਿ ਇਸ ਫੰਡ ਰਾਹੀਂ ਅਗਲੇ ਇੱਕ ਦਹਾਕੇ ਵਿਚ ਕੈਨੇਡਾ ਦੀ ਜੀ.ਡੀ.ਪੀ. ਵਿਚ $95 ਬਿਲੀਅਨ ਦਾ ਵਾਧਾ ਹੋਵੇਗਾ ਅਤੇ ਹਰ ਸਾਲ ਔਸਤਨ 42,000 ਨਵੀਆਂ ਨੌਕਰੀਆਂ ਪੈਦਾ ਹੋਣਗੀਆਂ, ਖਾਸ ਕਰ ਇੰਜੀਨੀਅਰਿੰਗ ਅਤੇ ਹੁਨਰਮੰਦ ਕਿੱਤਿਆਂ ਦੇ ਖੇਤਰ ਵਿਚ ਜੌਬਸ ਦੇ ਮੌਕੇ ਵਧੇਰੇ ਹੋਣਗੇ।

ਪ੍ਰਧਾਨ ਮੰਤਰੀ ਨੇ ਇਹ ਵੀ ਸਾਫ ਕੀਤਾ ਕਿ ​ਬਿਲਡ ਕਮਿਊਨਿਟੀ ਸਟਰੌਂਗ ਫੰਡ ਲਈ ਬਾਇ ਕੈਨੇਡੀਅਨ ਪਾਲਿਸੀ ਲਾਗੂ ਹੋਵੇਗੀ, ਜੋ ਇਹ ਯਕੀਨੀ ਬਣਾਏਗੀ ਕਿ ਪੈਸਾ ਸਾਡੀ ਆਪਣੀ ਆਰਥਿਕਤਾ ਵਿਚ ਹੀ ਵਾਪਸ ਨਿਵੇਸ਼ ਕੀਤਾ ਜਾਵੇ, ਜਿਸ ਨਾਲ ਕੈਨੇਡੀਅਨ ਉਦਯੋਗਾਂ ਨੂੰ ਸਪੋਰਟ ਮਿਲੇਗੀ।