7.76C Vancouver 7.76C VancouverDec 19, 2025 5:23 PM - Connect Newsroom - Jasmine Singh with files from The Canadian Press
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਸ਼ੁੱਕਰਵਾਰ ਨੂੰ ਸਰਕਾਰ ਵਿਚ ਡਿਪਟੀ ਮੰਤਰੀ ਅਤੇ ਸੀਨੀਅਰ ਪਬਲਿਕ ਸਰਵੈਂਟ ਵਿਚ ਵੱਡਾ ਫੇਰਬਦਲ ਕਰਦੇ ਹੋਏ ਇੱਕ ਸਰਪ੍ਰਾਈਜ਼ ਨਿਯੁਕਤੀ ਕੀਤੀ ਹੈ, ਜੋ ਕਿ ਕਿਊਬੈਕ ਕੋਰਟ ਔਫ ਅਪੀਲ ਦੀ ਜੱਜ ਮਾਰੀ-ਜੋਜ਼ੇ ਹੋਗ ਹਨ, ਪ੍ਰਧਾਨ ਮੰਤਰੀ ਨੇ ਉਨ੍ਹਾਂ ਨੂੰ ਨਿਆਂ ਵਿਭਾਗ ਦੀ ਨਵੀਂ ਡਿਪਟੀ ਮਿਨਿਸਟਰ ਅਤੇ ਡਿਪਟੀ ਅਟਾਰਨੀ ਜਨਰਲ ਨਿਯੁਕਤ ਕੀਤਾ ਹੈ।
ਜਸਟਿਸ ਹੋਗ ਦਾ ਨਾਮ ਉਦੋਂ ਚਰਚਾ ਵਿਚ ਆਇਆ ਸੀ, ਜਦੋਂ ਉਨ੍ਹਾਂ ਨੇ ਕੈਨੇਡਾ ਦੀ ਰਾਜਨੀਤੀ ਵਿਚ ਵਿਦੇਸ਼ੀ ਦਖਲਅੰਦਾਜ਼ੀ ਦੇ ਗੰਭੀਰ ਦੋਸ਼ਾਂ ਦੀ ਜਾਂਚ ਕਰਨ ਵਾਲੇ ਜਨਤਕ ਪੁੱਛਗਿੱਛ ਕਮਿਸ਼ਨ ਦੀ ਜ਼ਿੰਮੇਵਾਰੀ ਸੰਭਾਲੀ ਸੀ।
ਉਨ੍ਹਾਂ ਦੀ ਨਿਰਪੱਖ ਕਾਰਗੁਜ਼ਾਰੀ ਅਤੇ ਕਾਨੂੰਨੀ ਮੁਹਾਰਤ ਨੂੰ ਦੇਖਦੇ ਹੋਏ ਹੁਣ ਉਨ੍ਹਾਂ ਨੂੰ ਸਰਕਾਰ ਦੇ ਸਭ ਤੋਂ ਅਹਿਮ ਵਿਭਾਗਾਂ ਵਿਚੋਂ ਇੱਕ ਦੀ ਕਮਾਨ ਸੌਂਪੀ ਗਈ ਹੈ। ਪ੍ਰਧਾਨ ਮੰਤਰੀ ਨੇ ਕੁੱਲ 12 ਲੋਕਾਂ ਨੂੰ ਨਵੀਂ ਜ਼ਿੰਮੇਵਾਰੀ ਸੌਂਪੀਆਂ ਹਨ ਅਤੇ 8 ਡਿਪਾਰਟਮੈਂਟਸ ਵਿਚ ਨਵੇਂ ਡਿਪਟੀ ਮੰਤਰੀ ਨਿਯੁਕਤ ਕੀਤੇ ਗਏ ਹਨ।
ਇਹ ਨਿਯੁਕਤੀਆਂ ਵਿੱਤੀ ਅਤੇ ਨੈਸ਼ਨਲ ਡਿਫੈਂਸ ਵਰਗੇ ਅਹਿਮ ਵਿਭਾਗਾਂ ਵਿਚ ਹੋਈਆਂ ਹਨ। ਇਸ ਪ੍ਰਕਿਰਿਆ ਦੌਰਾਨ 8 ਡਿਪਟੀ ਮੰਤਰੀਆਂ ਦੀ ਛੁੱਟੀ ਕੀਤੀ ਗਈ ਹੈ।
