ਪੀ.ਐਮ.ਕਾਰਨੀ ਐਲਬਰਟਾ 'ਚ ਨਵੇਂ ਘਰਾਂ ਦੀ ਉਸਾਰੀ ਦੀ ਪਹਿਲਕਦਮੀ ਦਾ ਕਰਨਗੇ ਐਲਾਨ

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅੱਜ ਐਲਬਰਟਾ ਦੇ ਦੌਰੇ 'ਤੇ ਪਹੁੰਚ ਰਹੇ ਹਨ। ਰੈਡ ਡੀਅਰ ਵਿਖੇ ਉਹ ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਨਾਲ ਇੱਕ ਸਾਂਝੇ ਪ੍ਰੋਗਰਾਮ ਦੌਰਾਨ ਵੱਡਾ ਐਲਾਨ ਕਰਨਗੇ।ਦੋਵਾਂ ਨੇਤਾਵਾਂ ਵੱਲੋਂ ਸੂਬੇ ਵਿੱਚ ਘਰਾਂ ਦੀ ਉਸਾਰੀ ਨੂੰ ਤੇਜ਼ ਕਰਨ ਲਈ ਇੱਕ ਨਵੀਂ ਸਾਂਝੀ ਯੋਜਨਾ ਦੀ ਰੂਪਰੇਖਾ ਪੇਸ਼ ਕੀਤੇ ਜਾਣ ਦੀ ਉਮੀਦ ਹੈ।

ਮਾਰਕ ਕਾਰਨੀ ਦੇ ਸ਼ੈਡਿਊਲ ਮੁਤਾਬਕ, ਉਹ ਇੱਕ ਹਾਊਸਿੰਗ ਸਾਈਟ ਦਾ ਦੌਰਾ ਕਰਨਗੇ, ਇੱਕ ਕਨੋਲਾ ਫਾਰਮ ਜਾਣਗੇ ਅਤੇ ਸਥਾਨਕ ਕਿਸਾਨਾਂ ਨਾਲ ਵੀ ਮੁਲਾਕਾਤ ਕਰਨਗੇ।ਜ਼ਿਕਰਯੋਗ ਹੈ ਕਿ ਮਾਰਕ ਕਾਰਨੀ ਸਰਕਾਰ ਲਈ ਰਿਹਾਇਸ਼ੀ ਮੁੱਦਾ ਪਹਿਲਕਦਮੀ ਹੈ।

ਇਸ ਤੋਂ ਪਹਿਲਾਂ ਮੰਗਲਵਾਰ ਨੂੰ ਔਟਵਾ ਵੱਲੋਂ ਐਲਾਨ ਕੀਤਾ ਗਿਆ ਸੀ ਕਿ ਉਹ Northwest Territories ਦੀ ਸਰਕਾਰ ਨਾਲ ਮਿਲ ਕੇ ਘੱਟੋ-ਘੱਟ 560 affordable housing units ਦਾ ਨਿਰਮਾਣ ਕਰਨਗੇ।