ਬੀ ਸੀ.ਦੀ ਉਪ-ਚੋਣ ਵਿਚ ਉਤਰਨਗੇ ਪੀ. ਐਮ.ਕਾਰਨੀ ਦੇ ਡਿਪਟੀ ਚੀਫ਼ ਆਫ਼ ਸਟਾਫ਼ ਬ੍ਰੇਡਨ ਕੈਲੀ

ਬੀ.ਸੀ. ਵਿਚ ਨੌਰਥ ਵੈਨਕੂਵਰ-ਕੈਪੀਲਾਨੋ ਦੀ ਸੰਸਦੀ ਸੀਟ ਲਈ ਹੋਣ ਵਾਲੀ ਉਪ-ਚੋਣ ਵਿਚ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੇ ਡਿਪਟੀ ਚੀਫ਼ ਆਫ਼ ਸਟਾਫ਼ ਬ੍ਰੇਡਨ ਕੈਲੀ ਉਤਰਨ ਜਾ ਰਹੇ ਹਨ। ਕੈਲੀ ਨੇ ਲਿਬਰਲ ਪਾਰਟੀ ਦੀ ਨਾਮਜ਼ਦਗੀ ਲਈ ਪੀ.ਐਮ.ਓ. ਵਿਚ ਆਪਣਾ ਅਹੁਦਾ ਛੱਡ ਦਿੱਤਾ ਹੈ।

ਨੌਰਥ ਵੈਨਕੂਵਰ-ਕੈਪੀਲਾਨੋ ਦੀ ਇਹ ਰਾਈਡਿੰਗ ਪਹਿਲਾਂ ਸਾਬਕਾ ਕੈਬਨਿਟ ਮਿਨਿਸਟਰ ਜੋਨਾਥਨ ਵਿਲਕਿਨਸਨ ਕੋਲ ਸੀ, ਜਿਨ੍ਹਾਂ ਨੇ ਪ੍ਰਧਾਨ ਮੰਤਰੀ ਕਾਰਨੀ ਵਲੋਂ ਉਨ੍ਹਾਂ ਨੂੰ ਯੂਰਪੀ ਯੂਨੀਅਨ ਲਈ ਕੈਨੇਡਾ ਦਾ ਰਾਜਦੂਤ ਲਗਾਏ ਜਾਣ ਮਗਰੋਂ ਇਸ ਸਪਰਿੰਗ ਵਿਚ ਅਸਤੀਫਾ ਦੇ ਦਿੱਤਾ ਸੀ।

ਇਹ ਹਲਕਾ 2015 ਤੋਂ ਲਗਾਤਾਰ ਲਿਬਰਲ ਪਾਰਟੀ ਦਾ ਗੜ੍ਹ ਰਿਹਾ ਹੈ। ਉਥੇ ਹੀ, ਇਸ ਜ਼ਿਮਨੀ ਚੋਣ ਲਈ ਨਾਮਜ਼ਦਗੀ ਦੌੜ ਵਿਚ ਸ਼ਾਮਲ ਹੋਏ ਬ੍ਰੇਡਨ ਕੈਲੀ ਇਸ ਤੋਂ ਪਹਿਲਾਂ ਲਿਬਰਲ ਪਾਰਟੀ ਦੇ ਬੁਲਾਰੇ ਅਤੇ ਕੈਨੇਡਾ 2020 ਥਿੰਕ ਟੈਂਕ ਦੇ ਪ੍ਰਬੰਧਕ ਨਿਰਦੇਸ਼ਕ ਵਜੋਂ ਵੀ ਸੇਵਾਵਾਂ ਨਿਭਾ ਚੁੱਕੇ ਹਨ।