ਪੀ.ਐਮ. ਕਾਰਨੀ ਵੈਨਕੂਵਰ ਦੌਰੇ 'ਤੇ, ਪ੍ਰੀਮੀਅਰ ਈਬੀ ਨਾਲ ਵੀ ਕਰਨਗੇ ਮੁਲਾਕਾਤ

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅੱਜ ਵੈਨਕੂਵਰ ਦੌਰੇ 'ਤੇ ਹਨ, ਜਿੱਥੇ ਉਹ ਦੁਪਹਿਰ ਨੂੰ ਪ੍ਰੀਮੀਅਰ ਡੇਵਿਡ ਈਬੀ ਨਾਲ ਮਿਲ ਕੇ ਨਵੇਂ ਘਰਾਂ ਅਤੇ ਲੋਕਲ ਇਨਫਰਾਸਟਕਚਰ ਸਬੰਧੀ ਨਵੇਂ ਕਦਮਾਂ ਦਾ ਐਲਾਨ ਕਰਨਗੇ। ਪ੍ਰਧਾਨ ਮੰਤਰੀ ਦਫ਼ਤਰ ਵੱਲੋਂ ਜਾਰੀ ਜਾਣਕਾਰੀ ਮੁਤਾਬਕ, ਇਸ ਸਾਂਝੇ ਐਲਾਨ ਤੋਂ ਬਾਅਦ ਪ੍ਰਧਾਨ ਮੰਤਰੀ ਅਤੇ ਪ੍ਰੀਮੀਅਰ ਈਬੀ ਵਿਚਕਾਰ ਇੱਕ ਅਹਿਮ ਨਿੱਜੀ ਮੀਟਿੰਗ ਵੀ ਹੋਵੇਗੀ।

ਇਸ ਤੋਂ ਇਲਾਵਾ ਕਾਰਨੀ ਤਿੰਨ ਵਜੇ ਵੈਨਕੂਵਰ ਵਿਚ ਫੀਫਾ ਵਿਸ਼ਵ ਕੱਪ 2026 ਤਹਿਤ ਖੇਡੇ ਜਾਣ ਵਾਲੇ ਕੈਨੇਡਾ ਅਤੇ ਕਤਰ ਦੇ ਰੋਮਾਂਚਕ ਫੁੱਟਬਾਲ ਮੈਚ ਨੂੰ ਦੇਖਣ ਲਈ ਵੀ ਬੀ.ਸੀ. ਪਲੇਸ ਸਟੇਡੀਅਮ ਵਿਖੇ ਸ਼ਿਰਕਤ ਕਰਨਗੇ।

ਰਿਪੋਰਟ ਮੁਤਾਬਕ, ਇਸ ਮੁਕਾਬਲੇ ਦੀਆਂ ਟਿਕਟਾਂ ਅੱਜ $800 ਤੋਂ ਲੈ ਕੇ $22,000 ਤੱਕ ਦੀਆਂ ਕੀਮਤਾਂ 'ਤੇ ਉਪਲਬੱਧ ਸਨ। ਹਾਲਾਂਕਿ, ਜਿਹੜੇ ਪ੍ਰਸ਼ੰਸਕਾਂ ਕੋਲ ਟਿਕਟਾਂ ਨਹੀਂ ਹਨ ਉਹ ਹੇਸਟਿੰਗਜ਼ ਪਾਰਕ ਦੇ ਫੈਨ ਫੈਸਟੀਵਲ ਜਾਂ ਮੈਟਰੋ ਵੈਨਕੂਵਰ ਦੇ ਆਸਪਾਸ ਰੱਖੀਆਂ ਗਈਆਂ ਵੱਖ-ਵੱਖ ਵੌਚ ਪਾਰਟੀਆਂ ਵਿਚ ਸ਼ਾਮਲ ਹੋ ਕੇ ਵੱਡੀਆਂ ਸਕ੍ਰੀਨਾਂ ‘ਤੇ ਲਾਈਵ ਮੈਚ ਦਾ ਮੁਫ਼ਤ ਆਨੰਦ ਲੈ ਸਕਦੇ ਹਨ।