12.47C Vancouver 12.47C VancouverJan 31, 2025 3:02 PM - Connect Newsroom
ਕੈਨੇਡਾ ਦੇ ਅਗਲੇ ਪ੍ਰਧਾਨ ਮੰਤਰੀ ਬਣਨ ਲਈ ਲਿਬਰਲ ਪਾਰਟੀ ਦੀ ਲੀਡਰਸ਼ਿਪ ਦੌੜ ਵਿਚ ਸ਼ਾਮਲ ਸਾਬਕਾ ਸੈਂਟਰਲ ਬੈਂਕਰ ਮਾਰਕ ਕਾਰਨੀ ਨੇ ਐਲਾਨ ਕੀਤਾ ਹੈ ਕਿ ਜੇ ਉਹ ਪੀ. ਐੱਮ. ਬਣੇ ਤਾਂ ਕੰਜ਼ਊਮਰ ਕਾਰਬਨ ਟੈਕਸ ਨੂੰ ਖ਼ਤਮ ਕਰ ਦੇਣਗੇ ਅਤੇ ਇਸ ਦੀ ਜਗ੍ਹਾ ਕੈਨੇਡੀਅਨ ਲਈ ਗ੍ਰੀਨ ਇੰਸੈਂਟਿਵ ਪ੍ਰੋਗਰਾਮ ਲੌਂਚ ਕਰਨਗੇ।
ਕਾਰਨੀ ਨੇ ਕਿਹਾ ਕਿ ਕੰਜ਼ਊਮਰ ਕਾਰਬਨ ਟੈਕਸ ਨੂੰ ਲੈ ਕੇ ਲੋਕਾਂ ਵਿਚ ਮਤਭੇਦ ਹਨ, ਇਸ ਲਈ ਉਹ ਇਸ ਨੂੰ ਰੱਦ ਕਰਨਗੇ ਅਤੇ ਇਲੈਕਟ੍ਰਿਕ ਵਾਹਨ ਤੇ ਬਿਜਲੀ ਦੀ ਖਪਤ ਬਚਾਉਣ ਵਰਗੇ ਪ੍ਰੋਡਕਟਸ ਖਰੀਦਣ ਲਈ ਗ੍ਰੀਨ ਇੰਸੈਂਟਿਵ ਪ੍ਰੋਗਰਾਮ ਲਾਗੂ ਕਰਨਗੇ। ਕਾਰਨੀ ਨੇ ਕਿਹਾ ਕਿ ਇਸ ਪ੍ਰੋਗਰਾਮ ਦੀ ਫੰਡਿੰਗ ਦੀ ਭਰਪਾਈ ਵੱਡੇ ਪੋਲੂਟਰਸ 'ਤੇ ਟੈਕਸ ਲਗਾ ਕੇ ਕੀਤੀ ਜਾਵੇਗੀ।
ਉਹਨਾਂ ਇਸ ਨੂੰ ਜਲਵਾਯੂ ਪਰਿਵਰਤਨ ਨਾਲ ਲੜਨ ਦਾ ਬਿਹਤਰ ਤਰੀਕਾ ਵੀ ਦੱਸਿਆ ਅਤੇ ਕਿਹਾ ਕਿ ਅਸੀਂ ਮਿਲ ਕੇ G7 ਵਿਚ ਸਭ ਤੋਂ ਮਜ਼ਬੂਤ ਅਰਥਵਿਵਸਥਾ ਦਾ ਨਿਰਮਾਣ ਕਰ ਸਕਦੇ ਹਾਂ। ਗੌਰਤਲਬ ਹੈ ਕਿ ਕਾਰਨੀ ਨੇ ਇਹ ਘੋਸ਼ਣਾ ਉਦੋਂ ਕੀਤੀ ਹੈ ਜਦੋਂ ਮਾਰਚ ਦੇ ਅਖੀਰ ਵਿਚ ਸੰਸਦ ਦੀ ਸੀਟਿੰਗ ਬਹਾਲ ਹੋਣ ਤੋਂ ਬਾਅਦ ਅਪ੍ਰੈਲ ਵਿਚ ਕਾਰਬਨ ਟੈਕਸ ਵਿਚ ਵਾਧਾ ਹੋਣ ਵਾਲਾ ਹੈ ਅਤੇ ਵਿਰੋਧੀ ਪਾਰਟੀਆਂ ਸਰਕਾਰ ਨੂੰ ਡੇਗਣ ਦੀ ਤਿਆਰੀ ਵਿਚ ਹਨ।
