13.92C Vancouver 13.92C VancouverNov 13, 2025 2:10 PM - Connect Newsroom - Ramandeep Kaur with files from The Canadian Press
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅੱਜ ਬੀ. ਸੀ. ਵਿਚ ਨੇਸ਼ਨ ਬਿਲਡਿੰਗ ਪ੍ਰਾਜੈਕਟ ਦੇ ਲੇਟਸਟ ਬੈਚ ਦਾ ਐਲਾਨ ਕਰਨ ਜਾ ਰਹੇ ਹਨ, ਜਿਨ੍ਹਾਂ ਨੂੰ ਫਾਸਟ ਟਰੈਕ ਇਨਫਰਾਸਟਕਚਰ ਅਪਰੂਵਲ ਲਈ ਮੇਜਰ ਪ੍ਰਾਜੈਕਟ ਔਫਿਸ ਕੋਲ ਭੇਜਿਆ ਜਾਵੇਗਾ। ਇਨ੍ਹਾਂ ਵਿਚ ਘੱਟੋ-ਘੱਟੋ ਤਿੰਨ ਪ੍ਰਾਜੈਕਟ ਕ੍ਰਿਟੀਕਲ ਮਿਨਰਲ ਐਕਸਟਰੈਕਸ਼ਨ ਨਾਲ ਸਬੰਧਤ, ਇੱਕ ਐਲ.ਐਨ.ਜੀ. ਦੇ ਐਕਸਪੋਰਟ ਲਈ ਅਤੇ ਇੱਕ ਟਰਾਂਸਮਿਸ਼ਨ ਪ੍ਰਾਜੈਕਟ ਸ਼ਾਮਲ ਹੋ ਸਕਦਾ ਹੈ।
ਇਨ੍ਹਾਂ ਲੇਟਸਟ 6 ਪ੍ਰੋਜੈਕਟਸ ਵਿਚ ਬੀ. ਸੀ. ਦੇ Ksi Lisims liquefied natural gas project ਨੂੰ ਹਰੀ ਝੰਡੀ ਮਿਲਣ ਦੀ ਉਮੀਦ ਹੈ। ਇਸ ਤੋਂ ਇਲਾਵਾ ਇਨ੍ਹਾਂ ਵਿਚ ਨੌਰਥ ਕੋਸਟ ਟਰਾਂਸਮਿਸ਼ਨ ਲਾਈਨ ਵੀ ਸ਼ਾਮਲ ਹੋਣ ਦੀ ਸੰਭਾਵਨਾ ਹੈ ਜੋ ਕਿ ਪ੍ਰੀਮੀਅਰ ਡੇਵਿਡ ਈਬੀ ਲਈ ਇੱਕ ਤਰਜੀਹੀ ਪ੍ਰਾਜੈਕਟ ਹੈ, ਇਸ ਦਾ ਉਦੇਸ਼ ਤਰਲ ਕੁਦਰਤੀ ਗੈਸ ਸਹੂਲਤਾਂ ਵਰਗੇ ਉਦਯੋਗਿਕ ਪ੍ਰੋਜੈਕਟ ਲਈ ਪ੍ਰਿੰਸ ਜਾਰਜ ਅਤੇ ਟੈਰਿਸ ਵਿਚਕਾਰ ਬਿਜਲੀ ਦੀ ਉਪਲਬਧਤਾ ਨੂੰ ਦੁੱਗਣਾ ਕਰਨਾ ਹੈ।
ਬੀ. ਸੀ. ਸਰਕਾਰ ਨੇ ਇਸ 450 ਕਿਲੋਮੀਟਰ ਲਾਈਨ ਲਈ ਪਹਿਲਾਂ ਹੀ $6-ਬਿਲੀਅਨ ਅਲੌਟ ਕਰਨ ਦੀ ਵਚਨਬੱਧਤਾ ਜਤਾਈ ਹੈ ਅਤੇ ਸੂਬਾ ਚਾਹੁੰਦਾ ਹੈ ਕਿ ਫੈਡਰਲ ਸਰਕਾਰ ਇਸ ਪ੍ਰੋਜੈਕਟ ਨੂੰ ਅੱਗੇ ਵਧਾਉਣ ਵਿਚ ਸਹਾਇਤਾ ਕਰੇ। ਕਾਰਨੀ ਦੇ ਹੋਰ ਲੇਟਸਟ ਪ੍ਰੋਜੈਕਟਸ ਵਿਚਨਿਊ ਬ੍ਰੰਸਵਿਕ ਸਥਿਤ ਸਿਸਨ ਮਾਈਨ, ਓਨਟਾਰੀਓ ਦਾ ਕ੍ਰਾਫੋਰਡ ਨਿੱਕਲ ਪ੍ਰੋਜੈਕਟ, ਨੂਨਾਵਟ ਦਾ ਹਾਈਡ੍ਰੋ ਪ੍ਰਾਜੈਕਟ ਅਤੇ ਕਿਊਬੈਕ ਦਾ Nouveau Monde Graphite Phase 2 ਪ੍ਰਾਜੈਕਟ ਸ਼ਾਮਲ ਹੋਣ ਦੀਆਂ ਸੰਭਾਵਨਾਵਾਂ ਹਨ।
