13.02C Vancouver 13.02C VancouverJun 14, 2022 10:18 PM - The Canadian Press
ਨਿਊ ਵੈਸਟਮਿਨਸਟਰ 'ਚ ਅਮੈਂਡਾ ਟੌਡ ਸੰਬੰਧੀ ਸੈਕਸਟੌਰਸ਼ਨ ਮਾਮਲੇ 'ਚ ਨੀਦਰਲੈਂਡਸ ਦੇ ਇੱਕ ਅਫ਼ਸਰ ਨੇ ਜਾਣਕਾਰੀ ਦਿੱਤੀ ਹੈ ਕਿ ਮਾਮਲੇ 'ਚ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਵਿਅਕਤੀ ਦੇ ਸਟੀਰੀਓ ਵਿੱਚੋਂ ਕੈਸ਼, ਪਾਸਪੋਰਟ ਅਤੇ ਇੱਕ ਹਾਰਡ ਡਰਾਈਵ ਬਰਾਮਦ ਹੋਈ ਸੀ।
ਇਹ ਸਟੀਰੀਓ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਵਿਅਕਤੀ ਦੇ ਘਰ ਵਿੱਚੋਂ ਬਰਾਮਦ ਹੋਇਆ ਸੀ।
ਬੀ.ਸੀ. ਸੁਪ੍ਰੀਮ ਕੋਰਟ 'ਚ ਐਰਿਕ ਵੈਰਸਟਰੈਟਨ ਨੇ ਆਖਿਆ ਕਿ ਉਨ੍ਹਾਂ ਐਡਿਨ ਕੋਬਨ ਦੇ ਘਰ 'ਚ ਮਿਲੇ ਸਟੀਰੀਓ ਵਿੱਚੋਂ 10,000 ਯੂਰੋ ਕੈਸ਼ ਅਤੇ ਇੱਕ ਪਾਸਪੋਰਟ ਬਰਾਮਦ ਕੀਤਾ ਸੀ।
ਜਨਵਰੀ 2014 'ਚ ਟਿਲਬਰਗ ਨਾਮ ਦੇ ਡੱਚ ਸ਼ਹਿਰ 'ਚ ਤਲਾਸ਼ੀ ਦੌਰਾਨ ਇਹ ਬਰਾਮਦਗੀ ਹੋਈ ਸੀ।
ਨੀਦਰਲੈਂਡਸ ਦਾ ਨਾਗਰਿਕ ਐਡੀਨ ਕੋਬਨ ਇਸ ਮਾਮਲੇ 'ਚ ਐਕਸਟੌਰਸ਼ਨ, ਚਾਈਲਡ ਲਿਓਰਿੰਗ, ਹਰਾਸਮੈਂਟ ਅਤੇ ਚਾਈਲਡ ਪੋਰਨੋਗ੍ਰਾਫੀ ਰੱਖਣ ਸੰਬੰਧੀ ਦੋਸ਼ਾਂ ਦਾ ਸਾਹਮਣਾ ਕਰ ਰਿਹਾ ਹੈ।
ਇਸ ਵਿਅਕਤੀ ਨੇ ਮਾਮਲੇ ਦੀ ਸੁਣਵਾਈ ਦੌਰਾਨ ਖੁਦ ਨੂੰ ਬੇਕਸੂਰ ਦੱਸਿਆ ਸੀ।
ਅਮੈਂਡਾ ਟੌਡ ਸੰਬੰਧੀ ਨਿਊ ਵੈਸਟਮਿਨਸਟਰ ਦੇ ਕੋਰਟ 'ਚ ਚੱਲ ਰਹੀ ਸੁਣਵਾਈ ਦੌਰਾਨ ਲੜਕੀ ਦੀ ਮਾਂ ਵੀ ਜਿਊਰੀ ਸਾਹਮਣੇ ਆਪਣਾ ਪੱਖ ਰੱਖ ਚੁੱਕੀ ਹੈ।
ਅਮੈਂਡਾ ਟੌਡ ਨੇ ਅਕਤੂਬਰ 2012 'ਚ ਖੁਦਕੁਸ਼ੀ ਕਰ ਲਈ ਸੀ।
ਉਸ ਨੇ ਖੁਦਕੁਸ਼ੀ ਤੋਂ ਪਹਿਲਾਂ ਇੱਕ ਵੀਡੀਓ ਪੋਸਟ ਕੀਤੀ ਸੀ ਜਿਸ 'ਚ ਉਸ ਨੇ ਕਈ ਫਲੈਸ਼ ਕਾਰਡਸ ਦੀ ਵਰਤੋਂ ਕਰ ਬੁਲਿੰਗ ਅਤੇ ਹਰਾਸਮੈਂਟ ਬਾਰੇ ਦੱਸਿਆ ਸੀ, ਜੋ ਉਸ ਨੂੰ ਔਨਲਾਈਨ ਸਾਂਝੀ ਕੀਤੀ ਇੰਟੀਮੇਟ ਤਸਵੀਰ ਕਾਰਨ ਝੱਲਣੀ ਪਈ ਸੀ।
