13.87C Vancouver 13.87C VancouverOct 8, 2021 8:51 PM -
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਇਲਾਕੇ 'ਚ ਵਾਪਰ ਰਹੀਆਂ ਕੈਟੈਲਿਟੀਕ ਕਨਵਰਟਰ ਚੋਰੀਆਂ ਬੀਤੇ ਸਾਲ ਦੇ ਮੁਕਾਬਲੇ ਦੁੱਗਣੀਆਂ ਹੋ ਗਈਆਂ ਹਨ।
ਪੁਲਿਸ ਦਾ ਕਹਿਣਾ ਹੈ ਕਿ ਨਾ ਸਿਰਫ ਚੋਰੀਆਂ ਵਧ ਗਈਆਂ ਹਨ ਬਲਕਿ ਇਹ ਹਿੰਸਕ ਵੀ ਹੋ ਗਈਆਂ ਹਨ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਦੱਸਿਆ ਕਿ ਪੁਲਿਸ ਕੋਲ ਇਸ ਸਾਲ ਕੈਟੈਲਿਟੀਕ ਕਨਵਰਟਰ ਚੋਰੀਆਂ ਸੰਬੰਧਤ 425 ਸ਼ਿਕਾਇਤਾਂ ਪਹੁੰਚੀਆਂ ਹਨ।
ਉਨ੍ਹਾਂ ਕਿਹਾ ਕਿ ਇਸ ਪ੍ਰਕਾਰ ਦੀ ਚੋਰੀ ਦੀਆਂ ਬੀਤੇ ਸਾਲ 204 ਸ਼ਿਕਾਇਤਾਂ ਦਰਜ ਹੋਈਆਂ ਸਨ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਇਸ ਵਾਰ ਦੀਆਂ ਘਟਨਾਵਾਂ ਦੌਰਾਨ 14 ਲੋਕਾਂ 'ਤੇ ਹਮਲਾ ਵੀ ਹੋਇਆ ਜੋ ਗਿਣਤੀ ਪਿਛਲੇ ਸਾਲ ਮੁਕਾਬਲੇ 8 ਹਮਲਿਆਂ ਦਾ ਵਾਧਾ ਦਰਸ਼ਾਉਂਦੀ ਹੈ।
ਉਨ੍ਹਾਂ ਦੱਸਿਆ ਕਿ ਇਸੇ ਹਫ਼ਤੇ ਇਸ ਪ੍ਰਕਾਰ ਦੀ ਚੋਰੀ ਨੂੰ ਰੋਕਣ ਦੀ ਕੋਸ਼ਿਸ਼ ਕਰਦੀ ਇੱਕ ਔਰਤ 'ਤੇ ਪੈਪਰ ਸਪ੍ਰੇਅ ਨਾਲ ਹਮਲਾ ਕੀਤਾ ਗਿਆ।
ਯਾਦ ਰਹੇ ਕੈਟੈਲਿਟੀਕ ਕਨਵਰਟਰ ਕਿਸੇ ਗੱਡੀ ਦੇ ਔਗਜ਼ੱਸ਼ਟ ਸਿਸਟਮ ਦਾ ਹਿੱਸਾ ਹੁੰਦੇ ਹਨ।
