12.38C Vancouver 12.38C VancouverApr 15, 2021 7:26 PM -
ਕੈਨੇਡਾ ਬਾਰਡਰ ਸਰਵਿਸਿਜ਼ ਏਜੈਂਸੀ ਵੱਲੋਂ ਸ਼ੱਕੀ ਕੋਕੇਨ ਦੇ 64 ਇੱਟਾਂ ਜਿਹੇ ਪੈਕ ਕੀਤੇ ਹੋਏ ਪੈਕਜ ਜ਼ਬਤ ਕੀਤੇ ਗਏ ਹਨ।
ਮਾਮਲਾ 18 ਮਾਰਚ ਦਾ ਦੱਸਿਆ ਗਿਆ ਹੈ।
ਇਹ ਜ਼ਬਤਗਈ ਪੈਸੀਫਿਕ ਹਾਈਵੇਅ ਡਿਸਟ੍ਰਿਕਟ 'ਚ ਹੋਈ ਹੈ।
ਕੈਨੇਡਾ 'ਚ ਇੱਕ ਕਮਰਸ਼ਲ ਡਰਾਈਵਰ ਦਾਖਿਲ ਹੋਇਆ ਸੀ ਅਤੇ ਇਸ ਟਰੈਕਟਰ ਟਰੇਲਰ 'ਤੇ ਪਰਸਨਲ ਕੇਅਰ ਨਾਲ ਸੰਬੰਧਤ ਪ੍ਰੋਡਕਟ ਸਨ।
ਇਸ ਦੀ ਐਗਜ਼ਾਮੀਨੇਸ਼ਨ ਦੌਰਾਨ ਕਈ ਔਜ਼ਾਰਾਂ ਦੀ ਵਰਤੋਂ ਕੀਤੀ ਗਈ ਅਤੇ ਇਸੇ ਦੌਰਾਨ ਸ਼ੱਕ ਹੋਇਆ।
ਅਫ਼ਸਰਾਂ ਨੇ ਟਰੇਲਰ ਨੂੰ ਅਨਲੋਡ ਕੀਤਾ ਅਤੇ ਇਸੇ ਦੌਰਾਨ 64 ਅਜਿਹੇ ਪੈਕੇਜ ਮਿਲੇ ਜੋ ਇੱਟਾਂ ਜਿਹੀ ਸ਼ਕਲ 'ਚ ਪੈਕ ਕੀਤੇ ਹੋਏ ਸਨ।
ਇਸ ਦੀ ਜਾਂਚ 'ਤੇ ਪਤਾ ਲੱਗਾ ਕਿ ਇਹ ਕੋਕੇਨ ਜਿਹਾ ਪਦਾਰਥ ਹੈ।
ਇਸ ਦਾ ਕੁੱਲ ਭਾਰ 71.5kg ਦੱਸਿਆ ਗਿਆ।
ਇਸ ਦੀ ਕੀਮਤ ਦਾ ਅਨੁਮਾਨ $3.5 ਮਿਲੀਅਨ ਦੱਸਿਆ ਗਿਆ ਹੈ।
ਆਰ.ਸੀ.ਐਮ.ਪੀ. ਦੇ ਫੈਡਰਲ ਸੀਰੀਅਸ ਐਂਡ ਔਰਗੇਨਾਈਜ਼ਡ ਕਰਾਈਮ ਯੂਨਿਟ (Federal Serious and Organized Crime unit) ਨੇ ਚਾਲਕ ਅਤੇ ਡਰੱਗਸ ਨੂੰ ਹਿਰਾਸਤ 'ਚ ਲੈ ਲਿਆ ਸੀ।
ਸੀ.ਬੀ.ਐਸ.ਏ. ਦੇ ਪੈਸੀਫਿਕ ਰਿਜਨ ਇੰਟੈਲੀਜੈਂਸ ਸੈਕਸ਼ਨ ਨੇ ਇਸ ਮਾਮਲੇ 'ਚ ਆਰ.ਸੀ.ਐਮ.ਪੀ. ਦੇ ਫੈਡਰਲ ਸੀਰੀਅਸ ਐਂਡ ਔਰਗੇਨਾਈਜ਼ਡ ਕਰਾਈਮ ਯੂਨਿਟ ਨਾਲ ਮਿਲ ਕੇ ਕੰਮ ਕੀਤਾ ਸੀ।
