12.25C Vancouver 12.25C VancouverJul 15, 2021 7:23 PM -
ਕੈਨੇਡਾ ਬਾਰਡਰ ਸਰਵਿਸਿਸ ਏਜੈਂਸੀ ਨੇ ਜਾਣਕਾਰੀ ਦਿੱਤੀ ਹੈ ਕਿ ਵੈਸਟ ਕੋਸਟ ਅਤੇ ਯੂਕੌਨ ਡਿਸਟ੍ਰਿਕਟ 'ਚ 8 ਅਨਡਿਕਲੇਅਰਡ ਬੰਦੂਕਾਂ ਬਰਾਮਦ ਹੋਈਆਂ ਹਨ।
ਇਸ ਤੋਂ ਇਲਾਵਾ ਕਈ ਪ੍ਰਕਾਰ ਦਾ ਖਾਣਾ, ਬੂਟੇ ਅਤੇ ਜਾਨਵਰਾਂ ਸੰਬੰਧੀ ਪ੍ਰੋਡਕਟ ਮਿਲੇ ਹਨ।
ਇਸੇ ਸਾਲ 25 ਮਈ ਨੂੰ ਅਮਰੀਕਾ ਦੇ 2 ਨਾਗਰਿਕਾਂ ਨੂੰ ਕੈਨੇਡਾ ਦਾਖਿਲੇ ਮੌਕੇ ਸੈਕੰਡਰੀ ਐਗਜ਼ਾਮੀਨੇਸ਼ਨ ਲਈ ਰੋਕਿਆ ਗਿਆ।
ਬਾਰਡਰ ਸਰਵਿਸਿਸ ਅਫ਼ਸਰਾਂ ਨੇ ਤਲਾਸ਼ੀ ਦੌਰਾਨ ਬੰਦੂਕਾਂ ਤੋਂ ਇਲਾਵਾ ਬੰਦੂਕਾਂ ਨਾਲ ਸੰਬੰਧਤ ਸਾਮਾਨ ਅਤੇ ਕਈ ਹੋਰ ਪਦਾਰਥ ਬਰਾਮਦ ਕੀਤੇ।
ਇਸ 'ਚ ਇੱਕ ਪਬੰਦੀਸ਼ੁਦਾ ਬੰਦੂਕ ਅਤੇ 15 ਪਬੰਦੀਸ਼ੁਦਾ ਮੈਗਜ਼ੀਨ ਸ਼ਾਮਿਲ ਸਨ।
ਜਾਨਵਰਾਂ ਨਾਲ ਸੰਬੰਧਤ ਸਮਗਰੀ 'ਚ 3 ਬੌਬਕੈਟ ਚਮੜੀਆਂ, ਇੱਕ ਰਿੱਛ ਦਾ ਪੰਜਾ, 2 ਸੀਲ ਚਮੜੀ ਦੀਆਂ ਹੈਟਸ, ਵ੍ਹੇਲ ਮਛਲੀਆਂ ਨਾਲ ਸੰਬੰਧਤ 7 ਟੁਕੜੇ, 2 ਆਈਵਰੀ ਟਸਕ ਅਤੇ ਕਈ ਹੋਰ ਪ੍ਰਕਾਰ ਦੀਆਂ ਬ੍ਰਾਮਦਗੀਆਂ ਹੋਈਆਂ ਹਨ।
ਜਾਨਵਰਾਂ ਨਾਲ ਸੰਬੰਧਤ ਇਹ ਸਮਗਰੀ ਪ੍ਰੋਟੈਕਟਿਡ ਗੁਡਸ ਹੇਠ ਆਉਂਦੀ ਹੈ।
ਜਿਸ ਯਾਤਰੀ ਨੇ ਇਸ ਸਾਮਾਨ ਦੀ ਜ਼ਿੰਮੇਵਾਰੀ ਲਈ ਉਸ 'ਤੇ ਵੱਖ-ਵੱਖ ਧਾਰਾਵਾਂ ਤਹਿਤ 4 ਦੋਸ਼ ਤੈਅ ਕੀਤੇ ਗਏ ਹਨ।
ਇਸ ਵਿਅਕਤੀ 'ਤੇ $8,500 ਦਾ ਜੁਰਮਾਨਾ ਅਤੇ ਉਸ ਤੋਂ ਇਲਾਵਾ $1,200 ਦੇ 2 ਜੁਰਮਾਨੇ ਲਗਾਏ ਗਏ ਹਨ।
