17.5C Vancouver 17.5C VancouverDec 17, 2022 1:38 AM - Connect News
ਕੈਨੇਡਾ 'ਚ ਓਪੀਅਮ/ਅਫੀਮ ਦੀ ਸਭ ਤੋਂ ਵੱਡੀ ਜ਼ਬਤਗੀ ਸੰਬੰਧੀ ਜਾਣਕਾਰੀ ਦਿੱਤੀ ਗਈ ਹੈ।
ਸਭ ਤੋਂ ਵੱਡੀ ਜ਼ਬਤਗੀ ਦੌਰਾਨ ਕਰੀਬ 2,500kg ਅਫੀਮ ਬਰਾਮਦ ਹੋਈ ਦੱਸੀ ਗਈ ਹੈ।
ਡੈਲਟਾ 'ਚ ਇੱਕ ਪ੍ਰੈਸ ਕਾਨਫਰੰਸ ਕਰ 25 ਅਕਤੂਬਰ ਨੂੰ ਹੋਈ ਜ਼ਬਤਗੀ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਗਈ।
ਜਾਣਕਾਰੀ ਸਾਂਝੀ ਕਰਨ ਵਾਲਿਆਂ 'ਚ ਦੇਸ਼ ਦੀ ਐਂਪਲਾਇਮੈਂਟ ਮੰਤਰੀ ਅਤੇ ਡੈਲਟਾ ਦੀ ਐਮ.ਪੀ. ਕਾਰਲਾ ਕੁਆਲਟਰੋ ਵੀ ਸ਼ਾਮਿਲ ਸਨ।
ਜਾਣਕਾਰੀ ਦਿੱਤੀ ਗਈ ਕਿ 247 ਸ਼ਿਪਿੰਗ ਪੈਲੇਟਸ ਦੀ ਜਾਂਚ ਦੌਰਾਨ ਸੀ.ਬੀ.ਐਸ.ਏ. ਵੱਲੋਂ ਇਹ ਵੱਡੀ ਓਪੀਅਮ ਬਰਾਮਦਗੀ ਕੀਤੀ ਗਈ।
ਜ਼ਬਤ ਕੀਤੀ ਗਈ ਓਪੀਅਮ ਦੀ ਸਟ੍ਰੀਟ ਕੀਮਤ ਕਰੀਬ $50 ਮਿਲੀਅਨ ਦੱਸੀ ਗਈ ਹੈ।
ਇਹ ਅਫੀਮ ਕਿੱਥੋਂ ਆਈ ਅਤੇ ਇਸ ਦਾ ਕੈਨੇਡਾ ਪਹੁੰਚਣ ਦਾ ਜ਼ਿੰਮੇਵਾਰ ਕੌਣ ਸੀ, ਇਸ ਬਾਰੇ ਫਿਲਹਾਲ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਗਈ ਹੈ ਅਤੇ ਇਹ ਵੀ ਸਪਸ਼ਟ ਨਹੀਂ ਕੀਤਾ ਗਿਆ ਕਿ ਮਾਮਲੇ 'ਚ ਕਿਸੇ ਦੇ ਦੋਸ਼ ਤੈਅ ਕੀਤੇ ਗਏ ਹਨ ਜਾਂ ਨਹੀਂ।
ਹਾਲਾਂਕਿ ਅਧਿਕਾਰੀਆਂ ਨੇ ਦੁਬਈ ਅਤੇ ਮਿਡਲ ਈਸਟ ਅਤੇ ਆਸਟ੍ਰੇਲੀਆ ਤੋਂ ਇਸ ਜਾਂਚ ਦੌਰਾਨ ਮਿਲੇ ਸਹਿਯੋਗ ਲਈ ਧੰਨਵਾਦ ਕੀਤਾ।
ਬੀ.ਸੀ. ਆਰ.ਸੀ.ਐਮ.ਪੀ. ਤੋਂ ਕ੍ਰਿਮੀਨਲ ਆਪ੍ਰੇਸ਼ਨਸ ਅਫ਼ਸਰ ਵਿਲ ਐਂਗ ਦਾ ਕਹਿਣਾ ਸੀ ਕਿ ਬੀ.ਸੀ. ਆਰ.ਸੀ.ਐਮ.ਪੀ. ਅਤੇ ਸੀ.ਬੀ.ਐਸ.ਏ. ਦੇ ਸਾਂਝੇ ਆਪ੍ਰੇਸ਼ਨ ਤਹਿਤ ਅਕਤੂਬਰ 'ਚ ਜਾਂਚ ਅਰੰਭੀ ਗਈ ਸੀ ਅਤੇ ਇਸੇ ਦੌਰਾਨ ਇਹ ਵੱਡੀ ਕਾਮਯਾਬੀ ਮਿਲੀ।
ਉੱਧਰ ਦੇਸ਼ ਦੀ ਐਂਪਲਾਇਮੈਂਟ ਮੰਤਰੀ ਅਤੇ ਡੈਲਟਾ ਤੋਂ ਐਮ.ਪੀ. ਕਾਰਲਾ ਕੁਆਲਟਰੋ ਨੇ ਸੀ.ਬੀ.ਐਸ.ਏ. ਦੀ ਪਿੱਠ ਥਾਪੜੀ ਅਤੇ ਵੱਡੀ ਕਾਮਯਾਬੀ 'ਤੇ ਵਧਾਈ ਦੇਣ ਦੇ ਨਾਲ-ਨਾਲ ਏਜੈਂਸੀਆਂ ਦਾ ਧੰਨਵਾਦ ਕੀਤਾ।
