12.6C Vancouver 12.6C VancouverSep 11, 2023 6:53 PM - Connect News
ਟੋਰਾਂਟੋ ਦੇ ਸਬਵੇਅ ਟ੍ਰੇਨ ਲੈਣ ਵਾਲੇ ਸਾਰੇ ਸਵਾਰਾਂ ਲਈ 3 ਅਕਤੂਬਰ ਤੋਂ ਸੈਲਫੋਨ ਸਰਵਿਸ ਸ਼ੁਰੂ ਹੋਵੇਗੀ।
ਟੋਰਾਂਟੋ ਸਿਟੀ ਹਾਲ ਵਿਖੇ ਇੱਕ ਨਿਊਜ਼ ਕਾਨਫਰੰਸ ਵਿੱਚ ਬੋਲਦਿਆਂ ਇਨੋਵੇਸ਼ਨ, ਸਾਇੰਸ ਐਂਡ ਇੰਸਡਸਟਰੀ ਮਿਨਿਸਟਰ ਫ਼੍ਰੈਂਸੁਆ ਫ਼ਿਲਿਪ ਸ਼ੈਂਪੇਨ ਨੇ ਸੋਮਵਾਰ ਨੂੰ ਇਸਦਾ ਐਲਾਨ ਕੀਤਾ ਹੈ।
ਸ਼ੈਂਪੇਨ ਨੇ ਕਿਹਾ ਕਿ ਇੱਕ ਤੇਜ਼ੀ ਨਾਲ ਹੋਣ ਵਾਲੀ ਜਨਤਕ ਸਲਾਹ-ਮਸ਼ਵਰੇ ਦੀ ਪ੍ਰਕਿਰਿਆ ਤੋਂ ਬਾਅਦ, ਸਾਰੀਆਂ ਮੁੱਖ ਕੰਪਨੀਆਂ ਦੇ ਲਾਇਸੈਂਸਾਂ ਨੂੰ ਇਹ ਯਕੀਨੀ ਬਣਾਉਣ ਲਈ ਰਿਵਾਈਜ਼ ਕੀਤਾ ਜਾਵੇਗਾ ਕਿ ਸਾਰੇ ਟੀਟੀਸੀ ਰਾਈਡਰ ਟੋਰਾਂਟੋ ਵਿੱਚ ਸਬਵੇਅ ਸਿਸਟਮ ਵਿੱਚ ਨੈੱਟਵਰਕ ਕਵਰੇਜ ਪ੍ਰਾਪਤ ਕਰਨ ਦੇ ਯੋਗ ਹੋਣ।
ਸਾਲ 2012 ਤੋਂ ਟੀਟੀਸੀ ਵਿੱਚ ਫ਼ੋਨ ਸੇਵਾਵਾਂ ਦੀ ਕਮੀ ਇੱਕ ਚਿੰਤਾ ਦਾ ਵਿਸ਼ਾ ਬਣੀ ਹੋਈ ਹੈ।
ਪਿਛਲੇ ਕੁਝ ਸਮੇਂ ਵਿਚ ਵਧਦੀਆਂ ਹਿੰਸਕ ਵਾਰਦਾਤਾਂ ਦੇ ਮੱਦੇਨਜ਼ਰ, ਟੀਟੀਸੀ ਅੰਦਰ ਬਿਹਤਰ ਕੁਨੈਕਟਿਵਿਟੀ ਦੀ ਮੰਗ ਵਧ ਰਹੀ ਸੀ।
ਆਸਟ੍ਰੇਲੀਆ ਦੀ BAI ਕਮਿਊਨੀਕੇਸ਼ਨ ਨੂੰ ਟੀਟੀਸੀ ਦਾ ਜਨਤਕ ਵਾਈ-ਫ਼ਾਈ ਅਤੇ ਸੈਲੂਲਰ ਨੈਟਵਰਕ ਬਣਾਉਣ ਲਈ 25 ਮਿਲੀਅਨ ਦਾ ਕਾਂਟਰੈਕਟ ਦਿੱਤਾ ਗਿਆ ਸੀ।
