16.71C Vancouver 16.71C VancouverJul 31, 2020 5:39 PM -
ਔਟਵਾ ਵੱਲੋਂ ਇਸ ਵੇਲੇ ਯੋਜਨਾ ਬਣਾਈ ਜਾ ਰਹੀ ਹੈ ਕਿ ਕੈਨੇਡਾ ਐਮਰਜੈਂਸੀ ਰਿਪਪੌਂਸ ਬੈਨੇਫ਼ਿਟ ਪ੍ਰਾਪਤ ਕਰਨ ਵਾਲਿਆਂ ਨੂੰ ਇੰਮਪਲੋਇਮੈਂਟ ਇੰਸ਼ੋਰੈਂਸ ਵਿਚ ਤਬਦੀਲ ਕੀਤਾ ਜਾ ਸਕੇ।
ਸ਼ੁੱਕਰਵਾਰ ਨੂੰ ਕੀਤੀ ਪ੍ਰੈਸ ਕੌਨਫ਼ਰੈਂਸ ਵਿਚ ਪ੍ਰਾਇਮ ਮਿਨਿਸਟਰ ਜਸਟਿਨ ਟਰੂਡੋ ਨੇ ਕਿਹਾ ਕਿ ਗਿਗ ਅਤੇ ਕੌਨਟ੍ਰੈਕਟ ਵਰਕਰਜ਼ ਨੂੰ ਇਨ੍ਹਾਂ ਆਰਥਿਕ ਤੌਰ 'ਤੇ ਮੰਦੜੇ ਹਾਲਾਤਾਂ ਵਿਚ ਸਹਾਇਤਾ ਦੇਣ ਲਈ ਵੀ ਨਾਲੋਂ ਨਾਲ ਯੋਜਨਾ ਤਿਆਰ ਕੀਤੀ ਜਾ ਰਹੀ ਹੈ।
ਉਨ੍ਹਾਂ ਮੁਤਾਬਕ ਟੀਚਾ ਇਹ ਹੈ ਕਿ ਕੰਮ ਭਾਲ ਰਹੇ ਹਰ ਇੱਕ ਕੈਨੇਡੀਅਨ ਨੂੰ 21 ਵੀਂ ਸਦੀ ਦੇ ਇੱਕ ਬਿਹਤਰ 'ਈ.ਆਈ. ਸਿਸਟਮ' ਹੇਠ ਕਵਰ ਕੀਤਾ ਜਾ ਸਕੇ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਪ੍ਰੋਗਰਾਮ ਵਿਚ ਹੁਣ ਟ੍ਰੇਨਿੰਗ ਅਤੇ ਬੈਨੇਫਿਟ ਪੇਅਮੈਂਟਸ ਦੇ ਨੁਕਸਾਨ ਤੋਂ ਬਿਨ੍ਹਾਂ ਵੱਧ ਘੰਟੇ ਕੰਮ ਕਰਨਾ ਵੀ ਸ਼ਾਮਿਲ ਹੋਵੇਗਾ।
ਪੀ.ਐਮ. ਨੇ ਦੱਸਿਆ ਕਿ ਫੈਡਰਲ ਸਰਕਾਰ ਟੈਂਪਰੇਰੀ ਫ਼ੌਰਨ ਵਰਕਰਜ਼ ਪ੍ਰੋਗਰਾਮ ਵਿਚ ਸੁਧਾਰ ਲਈ ਕੰਮ ਕਰ ਰਹੀ ਹੈ।
