18.4C Vancouver 18.4C VancouverJun 16, 2025 1:41 PM - The Canadian Press
ਕੈਨੇਡਾ ਵਲੋਂ ਐਲਬਰਟਾ ਦੇ ਕੈਨਨਾਸਕੀਜ਼ ਵਿਚ ਹੋਸਟ ਕੀਤੀ ਜਾ ਰਹੀ ਜੀ-7 ਬੈਠਕ ਵਿਚਕਾਰ ਬੀਤੇ ਕੱਲ ਇਸ ਖੇਤਰ ਉੱਪਰ ਇੱਕ ਸਿਵਲੀਅਨ ਜਹਾਜ਼ ਵਲੋਂ ਹਵਾਈ ਖੇਤਰ ਦੀ ਉਲੰਘਣਾ ਕੀਤੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ।
ਆਰਸੀਐਮਪੀ ਦਾ ਕਹਿਣਾ ਹੈ ਕਿ ਇਹ ਸਥਿਰ-ਵਿੰਗ ਵਾਲਾ ਇੱਕ ਨਿੱਜੀ ਜਹਾਜ਼ ਸੀ, ਜੋ ਐਤਵਾਰ ਸਵੇਰ ਲਗਭਗ 11 ਵਜੇ ਪਾਬੰਦੀਸ਼ੁਦਾ ਖੇਤਰ ਵਿਚ ਦਾਖ਼ਲ ਹੋਇਆ ਅਤੇ ਪਾਇਲਟ ਦਾ ਧਿਆਨ ਖਿੱਚਣ ਲਈ ਕਈ ਕਦਮ ਉਠਾਏ ਜਾਣ ਤੋਂ ਬਾਅਦ ਅੰਤਿਮ ਚੇਤਾਵਨੀ ਤਹਿਤ ਇਸ ਨੂੰ ਰੋਕਣ ਲਈ ਸੀਐਫ-18 ਰਨੇਟ ਲੜਾਕੂ ਜਹਾਜ਼ ਦੀ ਵਰਤੋਂ ਕਰਨੀ ਪਈ।
ਆਰਸੀਐਮਪੀ ਨੇ ਫਿਲਹਾਲ ਇਹ ਜਾਣਕਾਰੀ ਨਹੀਂ ਦਿੱਤੀ ਕਿ ਜਹਾਜ਼ ਨੇ ਕਿੱਥੋਂ ਉਡਾਣ ਭਰੀ ਸੀ ਅਤੇ ਕਿੱਥੇ ਜਾ ਰਿਹਾ ਸੀ, ਆਰਸੀਐਮਪੀ ਦਾ ਕਹਿਣਾ ਹੈ ਕਿ ਅਜਿਹਾ ਲੱਗਦਾ ਹੈ ਕਿ ਪਾਇਲਟ ਭਟਕ ਗਿਆ ਸੀ ਪਰ ਘਟਨਾ ਦੀ ਜਾਂਚ ਜਾਰੀ ਹੈ। ਕਾਂਸਟੇਬਲ ਲੌਰੇਨ ਮੌਬਰੇ ਨੇ ਦੱਸਿਆ ਕਿ ਕੈਲਗਰੀ ਅਤੇ ਕੈਨਨਾਸਕੀਜ਼ ਉੱਪਰ ਅਸਥਾਈ ਹਵਾਈ ਪਾਬੰਦੀ ਸ਼ਨੀਵਾਰ ਸਵੇਰ ਤੋਂ ਲਾਗੂ ਹੈ, ਜੋ ਮੰਗਲਵਾਰ ਦੁਪਿਹਰ ਤੱਕ ਜਾਰੀ ਰਹੇਗੀ। ਆਰਸੀਐਮਪੀ ਵਲੋਂ ਫਿਲਹਾਲ ਇਹ ਜਾਣਕਾਰੀ ਨਹੀਂ ਦਿੱਤੀ ਗਈ ਕਿ ਪਾਇਲਟ ਖਿਲਾਫ ਕੋਈ ਚਾਰਜ ਲਗਾਏ ਗਏ ਹਨ ਜਾਂ ਨਹੀਂ।
