11.64C Vancouver 11.64C VancouverDec 1, 2020 11:22 PM -
ਵਿੱਤ ਮੰਤਰੀ ਸਿਲੀਨਾ ਰੌਬਿਨਸਨ ਦਾ ਕਹਿਣਾ ਹੈ ਕਿ ਬੀ.ਸੀ. 'ਚ ਇੰਸ਼ੋਰਰਸ ਨੇ ਮਨਜ਼ੂਰੀ ਦੇ ਦਿੱਤੀ ਹੈ ਕਿ ਇੱਕ ਅਜਿਹੀ ਪ੍ਰੈਕਟਿਸ ਨੂੰ ਹਟਾਇਆ ਜਾਵੇਗਾ, ਜਿਸ ਦੇ ਨਾਲ ਕੌਂਡੋ ਇੰਸ਼ੋਰੈਂਸ ਰੇਟ ਅਸਮਾਨੀ ਚੜ੍ਹ ਜਾਂਦੇ ਸਨ।
ਰੌਬਿਨਸਨ ਨੇ ਦੱਸਿਆ ਕਿ ਇੰਸ਼ੋਰਰਸ ਨੇ 'ਬੈਸਟ ਟਰਮਸ ਪ੍ਰਾਈਸਿੰਗ' ਨਾਮ ਦੀ ਪ੍ਰੈਕਟਿਸ ਨੂੰ 1 ਜਨਵਰੀ ਤੋਂ ਖਤਮ ਕਰਨ ਦੀ ਹਾਮੀ ਭਰੀ ਹੈ।
ਇਹ ਉਸ ਵੇਲੇ ਸ਼ੁਰੂ ਹੋਈ ਸੀ, ਜਦ ਕਈ ਇੰਸ਼ੋਰਰ ਆਪਣੀ-ਆਪਣੀ ਬਿਡ ਸਬਮਿਟ ਕਰਨ ਲਈ ਰਾਜ਼ੀ ਹੁੰਦੇ ਸਨ, ਜਿਸ ਨਾਲ ਕਿ ਸਟਰੈਟਾ ਪ੍ਰਾਪਰਟੀ ਨਾਲ ਸੰਬੰਧਤ ਟੋਟਲ ਰਿਸਕ ਦਾ ਕੁਝ ਹਿੱਸਾ ਲਿਆ ਜਾ ਸਕੇ।
ਪਰ ਸਟਰੈਟਾ ਮਾਲਿਕਾਂ ਦਾ ਫਾਈਨਲ ਪ੍ਰੀਮੀਅਮ, ਆਮ ਤੌਰ 'ਤੇ ਸਭ ਤੋਂ ਉੱਚੇ ਬਿਡ 'ਤੇ ਨਿਰਭਰ ਕਰਦਾ ਸੀ।
ਬੀ.ਸੀ. ਫਾਈਨੈਂਸ਼ੀਅਲ ਸਰਵਿਸਿਜ਼ ਅਥਾਰਿਟੀ ਦੀ ਇੱਕ ਅੰਤ੍ਰਿਮ ਰਿਪੋਰਟ 'ਚ ਦੱਸਿਆ ਗਿਆ ਸੀ ਕਿ 94% ਤੱਕ ਸਟਰੈਟਾ ਪ੍ਰਾਪਰਟੀਆਂ ਨੂੰ ਇਸ ਪ੍ਰੀਕਿਰਿਆ ਕਾਰਨ ਵਧੇਰੇ ਕੀਮਤਾਂ ਭਰਨੀਆਂ ਪਈਆਂ ਹਨ।
