19.56C Vancouver 19.56C VancouverJul 30, 2022 12:20 AM - Connect News
ਐਬਟਸਫੋਰਡ 'ਚ ਵਾਪਰੀ ਜਾਨਲੇਵਾ ਹਮਲੇ ਦੀ ਵਾਰਦਾਤ 'ਚ ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਨੇ ਪੀੜਤ ਔਰਤ ਦੀ ਪਛਾਣ ਸਾਂਝੀ ਕਰ ਦਿੱਤੀ ਹੈ।
ਐਬਟਸਫੋਰਡ 'ਚ ਵੀਰਵਾਰ ਸ਼ਾਮ ਵਾਪਰੇ ਹਮਲੇ 'ਚ 45 ਸਾਲਾ ਕਮਲਜੀਤ ਸੰਧੂ ਦੀ ਮੌਤ ਹੋ ਗਈ।
ਆਈ.ਹਿਟ ਨੇ ਜਾਣਕਾਰੀ ਦਿੱਤੀ ਕਿ ਮਾਮਲੇ 'ਚ 48 ਸਾਲਾ ਇੰਦਰਜੀਤ ਸੰਧੂ 'ਤੇ ਫਰਸਟ ਡਿਗਰੀ ਕਤਲ ਦੇ ਦੋਸ਼ ਲੱਗੇ ਹਨ।
ਜਾਂਚ ਅਧਿਕਾਰੀਆਂ ਨੇ ਦੱਸਿਆ ਕਿ ਦੋਵਾਂ ਦੇ 2 ਬੱਚੇ ਹਨ ਜਿੰਨਾ ਦੀ ਉਮਰ 16 ਅਤੇ 21 ਸਾਲ ਦੱਸੀ ਗਈ।
ਸਾਰਜੈਂਟ ਡੇਵਿਡ ਲੀ ਨੇ ਕਿਹਾ ਕਿ ਘਟਨਾ ਪਰਿਵਾਰ ਅਤੇ ਕਮਿਊਨਿਟੀ ਲਈ ਬੇਹੱਦ ਦੁੱਖਦਾਈ ਹੈ।
ਇਸ ਤੋਂ ਪਹਿਲਾਂ ਐਬਟਸਫੋਰਡ ਪੁਲਿਸ ਡਿਪਾਰਟਮੈਂਟ ਦਾ ਕਹਿਣਾ ਸੀ ਕਿ ਵੀਰਵਾਰ ਸ਼ਾਮ ਕਰੀਬ 4.45 ਵਜੇ ਈਸਟਵਿਊ ਸਟ੍ਰੀਟ ਅਤੇ ਟੈਰੀ ਫੌਕਸ ਐਵੀਨਿਊ ਕੋਲ ਇੱਕ ਹਮਲੇ ਦੀ ਜਾਣਕਾਰੀ ਮਿਲੀ ਸੀ।
ਮੌਕੇ 'ਤੇ ਪਹੁੰਚੇ ਜਾਂਚ ਅਧਿਕਾਰੀਆਂ ਨੂੰ ਇੱਕ 45 ਸਾਲਾ ਔਰਤ ਗੰਭੀਰ ਜਖਮੀ ਹਾਲਤ 'ਚ ਮਿਲੀ।
ਪੁਲਿਸ ਨੇ ਦੱਸਿਆ ਸੀ ਕਿ ਔਰਤ ਨੂੰ ਬਚਾਉਣ ਦੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ ਉਸ ਨੇ ਮੌਕੇ 'ਤੇ ਹੀ ਦਮ ਤੋੜ ਦਿੱਤਾ।
