30.04C Vancouver 30.04C VancouverMay 30, 2025 9:17 PM -
ਮਾਰਚ ਮਹੀਨੇ ਵੈਨਕੂਵਰ ਦੇ ਕਰੈਬ ਪਾਰਕ 'ਚ ਵਾਪਰੇ ਕਤਲ ਦੇ ਮਾਮਲੇ 'ਚ ਪੁਲਿਸ ਨੇ ਇੱਕ ਵਿਅਕਤੀ ਦੀ ਗ੍ਰਿਫਤਾਰੀ ਸੰਬੰਧੀ ਜਾਣਕਾਰੀ ਦਿੱਤੀ ਹੈ।
ਮਾਮਲਾ 22 ਮਾਰਚ ਨੂੰ ਵਾਪਰੇ 51 ਸਾਲਾ ਬ੍ਰੈਟ ਮੈਕਡੌਨਲਡ ਦੇ ਕਤਲ ਨਾਲ ਸੰਬੰਧਤ ਹੈ।
ਉਸ ਦਿਨ ਸਵੇਰ ਕਰੀਬ ਸਾਡੇ ਅੱਠ ਵਜੇ ਇੱਕ ਵਿਅਕਤੀ ਨੇ ਪੀੜਤ ਸੰਬੰਧੀ ਜਾਣਕਾਰੀ ਪੁਲਿਸ ਤਕ ਪਹੁੰਚਾਈ ਸੀ।
ਅੱਜ ਪੁਲਿਸ ਨੇ ਦੱਸਿਆ ਕਿ ਮਾਮਲੇ 'ਚ 47 ਸਾਲਾ ਜੇਸਨ ਨਾਟੀਸ਼ਿਨ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਪੁਲਿਸ ਅਨੁਸਾਰ ਇਸ ਵਿਅਕਤੀ ਦੀ ਗ੍ਰਿਫਤਾਰੀ ਵੈਨਕੂਵਰ ਪੁਲਿਸ ਦੇ ਹੋਮੀਸਾਈਡ ਡਿਟੈਕਟਿਵਸ ਨੇ ਐਲਬਰਟਾ ਦੇ ਰੈਡ ਡੀਅਰ 'ਚ 10 ਅਪ੍ਰੈਲ ਨੂੰ ਕੀਤੀ ਸੀ।
ਇਸ ਵਿਅਕਤੀ ਖਿਲਾਫ਼ ਬੀ.ਸੀ. ਪ੍ਰਾਸੀਕਿਊਸ਼ਨ ਸਰਵਿਸ ਨੇ ਫਰਸਟ ਡਿਗਰੀ ਕਤਲ ਦਾ ਇੱਕ ਦੋਸ਼ ਮਨਜੂਰ ਕਰ ਦਿੱਤਾ ਹੈ। ਉਸ ਨੂੰ ਅਗਲੀ ਪੇਸ਼ੀ ਤੱਕ ਹਿਰਾਸਤ 'ਚ ਰੱਖਿਆ ਗਿਆ ਹੈ।
