ਐਫ.ਬੀ.ਆਈ. ਨੂੰ ਚਾਰਲੀ ਕਿਰਕ ਦੇ ਮਾਮਲੇ ਵਿਚ ਸ਼ੱਕੀ ਦੀ ਭਾਲ ਲਈ ਮਿਲੇ ਨਵੇਂ ਸੁਰਾਗ

ਅਮਰੀਕਾ ਦੀ ਏਜੰਸੀ ਐਫ.ਬੀ.ਆਈ. ਨੂੰ ਚਾਰਲੀ ਕਿਰਕ ਦੇ ਮਾਮਲੇ ਵਿਚ ਸ਼ੱਕੀ ਦੀ ਭਾਲ ਲਈ ਨਵੇਂ ਸੁਰਾਗ ਮਿਲੇ ਹਨ, ਜਿਸ ਵਿਚ ਇੱਕ ਹਥਿਆ,ਪੈਰਾਂ ਦੇ ਨਿਸ਼ਾਨ ਅਤੇ ਵੀਡੀਓ ਫੁਟੇਜ ਸ਼ਾਮਲ ਹਨ। ਐਫ.ਬੀ.ਆਈ. ਦੇ ਸਾਲਟ ਲੇਕ ਸਿਟੀ ਦਫਤਰ ਦੇ ਇੰਚਾਰਜ ਤੇ ਵਿਸ਼ੇਸ਼ ਏਜੰਟ ਰੌਬਰਟ ਬੋਹਲਸ ਨੇ ਕਿਹਾ ਕਿ ਕਿਰਕ ਨੂੰ ਮਾਰਨ ਲਈ ਵਰਤੀ ਗਈ ਗੰਨ ਇੱਕ ਉੱਚ-ਸ਼ਕਤੀ ਵਾਲੀ ਬੋਲਟ-ਐਕਸ਼ਨ ਰਾਈਫਲ ਸੀ, ਜੋ ਯੂਨੀਵਰਸਿਟੀ ਕੈਂਪਸ ਦੇ ਨੇੜੇ ਇੱਕ ਇਲਾਕੇ ਦੇ ਜੰਗਲੀ ਖੇਤਰ ਵਿਚੋਂ ਮਿਲੀ ਹੈ।

ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਸ਼ੱਕੀ ਕਾਲਜ ਦੀ ਉਮਰ ਦਾ ਜਾਪਦਾ ਹੈ। ਕਿਰਕ ਨੂੰ ਇੱਕ ਨੇੜਲੀ ਇਮਾਰਤ ਦੀ ਛੱਤ ਤੋਂ ਗੋਲੀ ਮਾਰੀ ਗਈ ਸੀ। ਸ਼ੱਕੀ ਦਾ ਮਕਸਦ ਕੀ ਸੀ ਇਸ ਬਾਰੇ ਪਤਾ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਅਤੇ ਉਹ ਅਜੇ ਵੀ ਫਰਾਰ ਹੈ।

ਗੌਰਤਲਬ ਹੈ ਕਿ ਕਿਰਕ -Make America Great Again ਦੇ ਫਾਇਰਬ੍ਰਾਂਡ ਅਤੇ ਡੌਨਲਡ ਟਰੰਪ ਦੇ ਕਰੀਬੀ ਸਾਥੀ ਸਨ, ਉਨ੍ਹਾਂ ਦੀ ਬੁੱਧਵਾਰ ਨੂੰ ਯੂਟਾਹ ਯੂਨੀਵਰਿਸਟੀ ਵਿਚ ਹੱਤਿਆ ਕਰ ਦਿੱਤੀ ਗਈ ਸੀ। ਉਨ੍ਹਾਂ ਪਿੱਛੇ ਪਰਿਵਾਰ ਵਿਚ ਉਨ੍ਹਾਂ ਦੀ ਪਤਨੀ ਏਰਿਕਾ ਫ੍ਰਾਂਟਜ਼ਵੇ ਜੋ ਕਿ ਸਾਬਕਾ ਬਿਊਟੀ ਕੁਈਨ ਹੈ ਅਤੇ ਦੋ ਛੋਟੇ ਬੱਚੇ ਹਨ।