15.33C Vancouver 15.33C VancouverAug 17, 2022 7:22 PM - The Canadian Press
ਐਬਟਸਫੋਰਡ 'ਚ ਪੁਲਿਸ ਵੱਲੋਂ ਇੱਕ ਬੱਚੇ ਨੂੰ ਅਗਵਾ ਕਰਨ ਦੀ ਕਥਿਤ ਕੋਸ਼ਿਸ਼ ਦੀ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਮਾਮਲਾ ਸੋਮਵਾਰ ਰਾਤ ਦਾ ਦੱਸਿਆ ਗਿਆ ਹੈ।
ਘਟਨਾ ਮੇਪਲ ਸਟ੍ਰੀਟ 'ਤੇ ਸਥਿਤ ਇੱਕ ਘਰ 'ਚ ਵਾਪਰੀ ਦੱਸੀ ਗਈ ਹੈ।
ਰਾਤ ਕਰੀਬ 9 ਵਜੇ ਇੱਕ ਆਦਮੀ ਵੱਲੋਂ ਬੱਚੇ ਨੂੰ ਘਰ ਵਿੱਚੋਂ ਅਗਵਾ ਕਰਨ ਦੀ ਕੋਸ਼ਿਸ਼ ਸੰਬੰਧੀ ਸ਼ੱਕ ਜਾਹਿਰ ਕੀਤਾ ਗਿਆ ਹੈ।
ਜਾਣਕਾਰੀ ਅਨੁਸਾਰ ਇੱਕ ਆਦਮੀ ਨੇ ਘਰ ਦੇ ਵਿੱਚ ਜਬਰਦਸਤੀ ਦਾਖਿਲਾ ਲਿਆ ਅਤੇ ਗਰਾਊਂਡ ਫਲੋਰ ਦੇ ਬੈਡਰੂਮ ਵਿੱਚੋਂ ਖਿੜਕੀ ਜਰੀਏ ਬੱਚੇ ਨੂੰ ਅਗਵਾ ਕਰਨ ਦੀ ਕੋਸ਼ਿਸ਼ ਕੀਤੀ।
ਬੱਚਾ ਖੁਦ ਨੂੰ ਛੁਡਵਾਉਣ 'ਚ ਕਾਮਯਾਬ ਰਿਹਾ ਅਤੇ ਉਸ ਨੂੰ ਸੱਟਾਂ ਤੋਂ ਬਚਾਅ ਰਿਹਾ।
ਮਾਮਲਾ ਮੇਜਰ ਕਰਾਈਮ ਯੂਨਿਟ ਕੋਲ ਪਹੁੰਚ ਗਿਆ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲੇ ਸੰਬੰਧੀ ਜਾਣਕਾਰੀ ਸਾਵਧਾਨ ਕਰਨ ਲਈ ਸਾਂਝੀ ਕੀਤੀ ਜਾ ਰਹੀ ਹੈ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਘਰਾਂ ਦੇ ਦਰਵਾਜੇ ਅਤੇ ਖਿੜਕੀਆਂ ਲੌਕ ਕਰ ਕੇ ਰੱਖਣਾ ਬਿਹਤਰ ਹੈ ਅਤੇ ਕਿਸੇ ਵੀ ਸ਼ੱਕੀ ਘਟਨਾ ਨੂੰ ਰਿਪੋਰਟ ਕੀਤਾ ਜਾਵੇ।
