25.53C Vancouver 25.53C VancouverJun 19, 2020 3:28 PM -
ਚੀਨ ਵੱਲੋਂ ਗ੍ਰਿਫ਼ਤਾਰ ਕੀਤੇ ਗਏ ਦੋ ਕਨੇਡੀਅਨ ਆਦਮੀਆਂ ਉੱਤੇ ਅਧਿਕਾਰਕ ਤੌਰ ਤੇ ਜਾਸੂਸੀ ਦੇ ਦੋਸ਼ ਲਗਾ ਦਿੱਤੇ ਗਏ ਹਨ।
ਮਾਈਕਲ ਕੋਵਰਿਗ ਅਤੇ ਮਾਈਕਲ ਸਪਾਵੋਰ ਦਿਸੰਬਰ 2018 ਤੋਂ ਚੀਨ ਵਿੱਚ ਹਿਰਾਸਤ ਵਿੱਚ ਹਨ।
ਇਨ੍ਹਾਂ ਚਾਰਜਾਂ ਨਾਲ ਚੀਨ ਅਤੇ ਕੈਨੇਡਾ ਵਿਚਕਾਰ ਹਵਾਵੇ (Huawei) ਦੀ ਉੱਚ ਅਧਿਕਾਰੀ ਮੰਗ ਵੈਨਜੋ ਦੀ ਵੈਨਕੂਵਰ ਵਿੱਚ ਡੇਢ ਸਾਲ ਪਹਿਲਾਂ ਹੋਈ ਗ੍ਰਿਫਤਾਰੀ ਤੋਂ ਬਾਅਦ ਸ਼ੁਰੂ ਹੋਇਆ ਤਣਾਅ ਹੋਰ ਵੀ ਵੱਧ ਗਿਆ ਹੈ।
ਕੋਵਰਿਗ ਅਤੇ ਸਪਾਵੋਰ ਮੰਗ ਦੀ ਗ੍ਰਿਫਤਾਰੀ ਤੋਂ 9 ਦਿਨਾਂ ਬਾਅਦ ਹਿਰਾਸਤ ਵਿੱਚ ਲਏ ਗਏ ਸਨ।
ਦੋਵਾਂ ਨੂੰ ਚੀਨ ਦੀ ਜੇਲ ਵਿੱਚ ਜਿਨ੍ਹਾਂ ਹਾਲਾਤਾਂ ਵਿੱਚ ਰੱਖਿਆ ਜਾ ਰਿਹਾ ਹੈ ਉਸ ਉੱਤੇ ਕਈ ਸਵਾਲੀਆ ਚਿੰਨ੍ਹ ਖੜ੍ਹੇ ਕੀਤੇ ਜਾਂਦੇ ਰਹੇ ਹਨ।
ਕੋਵਰਿਗ ਅਤੇ ਸਪਾਵੋਰ ਕੋਲ ਨਾ ਤਾਂ ਵਕੀਲ ਹਨ ਅਤੇ ਨਾ ਹੀ ਉਨ੍ਹਾਂ ਦਾ ਮਈ ਤੋਂ ਬਾਅਦ ਆਪਣੇ ਪਰਿਵਾਰਾਂ ਨਾਲ ਸੰਪਰਕ ਹੋ ਸਕਿਆ ਹੈ।
ਚੀਨ ਦੀ ਐਂਬੈਸੀ ਮੁਤਾਬਕ ਕੋਵਰਿਗ ਨੂੰ ਮੱਧ ਮਾਰਚ ਵਿੱਚ ਆਪਣੇ ਬਿਮਾਰ ਪਿਤਾ ਨਾਲ ਫੋਨ ਉੱਤੇ ਗੱਲ ਕਰਨ ਦੀ ਇਜਾਜ਼ਤ ਦਿੱਤੀ ਗਈ ਸੀ।
ਕੋਵਰਿਗ ਸਾਬਕਾ ਡਿਪਲੋਮੈਟ ਹੈ ਜੋ ਇੰਟਰਨੈਸ਼ਨਲ ਕ੍ਰਾਈਸਿਸ ਗਰੁੱਪ ਨਾਲ ਕੰਮ ਕਰ ਰਿਹਾ ਸੀ ਅਤੇ ਸਪਾਵੋਰ ਇੱਕ ਵਪਾਰੀ ਹੈ ਜੋ ਉੱਤਰੀ ਕੋਰੀਆ ਵਿੱਚ ਵਪਾਰ ਕਰ ਰਿਹਾ ਸੀ।
ਚੀਨ ਵਲੋਂ ਇਨ੍ਹਾਂ ਦੋਸ਼ਾਂ ਦੀ ਘੋਸ਼ਣਾ ਸਰਵਉੱਚ ਸਰਕਾਰੀ ਵਕੀਲ ਦੇ ਦਫਤਰ ਵਲੋਂ ਸੋਸ਼ਲ ਮੀਡਿਆ ਤੇ ਸੰਖੇਪ ਵਿੱਚ ਕੀਤੀ ਗਈ।
