9.94C Vancouver 9.94C VancouverMay 9, 2023 9:23 PM - The Canadian Press
ਕੈਨੇਡਾ ਵਲੋਂ ਟਾਰਾਂਟੋ ਤੋਂ ਚਾਈਨੀਜ਼ ਡਿਪਲੋਮੈਟ ਨੂੰ ਐਕ੍ਸਪੈਲ ਕਰਨ ਤੋਂ ਬਾਅਦ ਚਾਈਨਾ ਨੇ ਵੀ ਅੱਜ ਜਵਾਬੀ ਕਾਰਵਾਈ ਵਿੱਚ ਸ਼ਾਂਗਾਈ ਵਿਚ ਮੌਜੂਦ ਕੈਨੇਡੀਅਨ ਡਿਪਲੋਮੈਟ ਨੂੰ ਦੇਸ਼ ਤੋਂ ਬਾਹਰ ਜਾਣ ਦਾ ਹੁਕਮ ਜਾਰੀ ਕਰ ਦਿੱਤਾ।
ਚੀਨ ਦੀ ਫੌਰਨ ਮਿਨਿਸਟਰੀ ਵਲੋਂ ਜਾਰੀ ਬਿਆਨ ਮੁਤਾਬਕ, ਕੈਨੇਡੀਅਨ ਡਿਪਲੋਮੈਟ ਜੇਨਨਿਫਰ ਲਿੰਨ ਨੂੰ 13 ਮਈ ਤੋਂ ਪਹਿਲਾਂ ਦੇਸ਼ ਛੱਡਣ ਲਈ ਹੁਕਮ ਦਿੱਤੇ ਗਏ ਹਨ।
ਇਸ ਦੇ ਨਾਲ ਹੀ ਇਹ ਵੀ ਚਿਤਾਵਨੀ ਦਿੱਤੀ ਕਿ ਚੀਨ ਅੱਗੇ ਹੋਰ ਪ੍ਰਤੀਕਿਰਿਆ ਵੀ ਦੇ ਸਕਦਾ ਹੈ।
ਗੌਰਤਲਬ ਹੈ ਕਿ ਕੈਨੇਡਾ ਨੇ ਬੀਤੇ ਦਿਨ ਚੀਨੀ ਡਿਪਲੋਮੈਟ ਝਾਓ ਵੇਈ ਨੂੰ ਐਕ੍ਸਪੈਲ ਕਰਨ ਦਾ ਐਲਾਨ ਕੀਤਾ ਸੀ। ਝਾਓ 'ਤੇ ਕੈਨੇਡਾ ਦੇ ਕੰਸਰਵੇਟਿਵ ਐਮ.ਪੀ. ਮਾਇਕਲ ਚੌਂਗ ਦੇ ਹੋਂਗ ਕੋਂਗ ਵਿਚ ਰਹਿੰਦੇ ਪਰਿਵਾਰ ਨੂੰ ਧਮਕੀਆਂ ਮਿਲਣ ਦੀ ਸਾਜ਼ਿਸ਼ ਵਿਚ ਸ਼ਾਮਲ ਹੋਣ ਦੇ ਦੋਸ਼ ਸਨ।
ਫੌਰਨ ਅਫਫੈਰਸ ਮਿਨਿਸਟਰ ਮੇਲਨੀ ਜੌਲੀ ਨੇ ਕਿਹਾ ਕਿ ਉਹਨਾਂ ਨੂੰ ਪਤਾ ਹੈ ਕਿ ਡਿਪਲੋਮੈਟ ਨੂੰ ਕੱਢਣ ਦੇ ਕੀ ਨਤੀਜੇ ਹੋ ਸਕਦੇ ਹਨ ਪਰ ਇਹ ਸਪਸ਼ੱਟ ਹੈ ਕਿ ਕੈਨੇਡਾ ਕਿਸੇ ਵੀ ਤਰ੍ਹਾਂ ਦੀ ਵਿਦੇਸ਼ੀ ਦਖ਼ਲਅੰਦਾਜ਼ੀ ਬਰਦਾਸ਼ਤ ਨਹੀਂ ਕਰੇਗਾ।
ਗੌਰਤਲਬ ਹੈ ਕਿ ਕੈਨੇਡੀਅਨ ਐੱਮ.ਪੀ. ਮਾਇਕਲ ਚੌਂਗ ਚੀਨ ਵਲੋਂ ਊਈਗੁਰ ਮੁਸਲਿਮ ਮਾਇਨੋਰਿਟੀ ਪ੍ਰਤੀ ਕੀਤੇ ਜਾ ਰਹੇ ਵਿਤਕਰੇ ਦੇ ਆਲੋਚਕ ਰਹੇ ਹਨ।
ਫਰਵਰੀ 2021 ਵਿਚ ਉਨ੍ਹਾਂ ਚੀਨ ਖਿਲਾਫ ਨਿੰਦਾ ਪ੍ਰਸਤਾਵ ਦੇ ਹੱਕ ਵਿਚ ਵੋਟ ਦਿੱਤੀ ਸੀ ਜਿਸ ਤੋਂ ਅਗਲੇ ਮਹੀਨੇ ਚੀਨ ਨੇ ਚੌਂਗ ਦੀ ਦੇਸ਼ ਵਿਚ ਐਂਟਰੀ ਬੈਨ ਕਰ ਦਿੱਤੀ ਸੀ।
