12.62C Vancouver 12.62C VancouverSep 6, 2024 6:02 PM - The Canadian Press
ਕੈਨੇਡਾ ਵਲੋਂ ਚਾਈਨਜ਼ ਇਲੈਕਟ੍ਰਿਕ ਵ੍ਹੀਕਲਸ, ਸਟੀਲ ਅਤੇ ਐਲੂਮੀਨੀਅਮ ’ਤੇ ਭਾਰੀ ਭਰਕਮ ਟੈਰਿਫਸ ਲਗਾਏ ਜਾਣ ਦੀ ਘੋਸ਼ਣਾ ਖਿਲਾਫ ਚੀਨ ਨੇ ਵਿਸ਼ਵ ਵਪਾਰ ਸੰਗਠਨ ਦਾ ਦਰਵਾਜ਼ਾ ਖੜ੍ਹਕਾਇਆ ਹੈ। ਉਸ ਦੇ ਵਣਜ ਮੰਤਰਾਲੇ ਨੇ ਸ਼ੁੱਕਰਵਾਰ ਨੂੰ ਇੱਕ ਬਿਆਨ ਵਿਚ ਇਸ ਦੀ ਜਾਣਕਾਰੀ ਦਿੱਤੀ। ਚੀਨ ਨੇ ਕਿਹਾ ਕਿ ਉਸ ਨੇ ਡਬਲਿਊ. ਟੀ. ਓ. ਵਿਚ ਇਸ ਮੁੱਦੇ ’ਤੇ ਕੈਨੇਡਾ ਨਾਲ ਗੱਲਬਾਤ ਕਰਨ ਦੀ ਮੰਗ ਕੀਤੀ ਹੈ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਹਾਲ ਹੀ ਵਿਚ ਕਿਹਾ ਸੀ ਕਿ ਕੈਨੇਡਾ ਜਲਦ ਹੀ ਚੀਨ ਤੋਂ ਆਉਣ ਵਾਲੇ ਇਲੈਕਟ੍ਰਿਕ ਵਾਹਨ ’ਤੇ 100 ਫੀਸਦੀ ਡਿਊਟੀ ਲਗਾਵੇਗਾ, ਨਾਲ ਹੀ ਚਾਈਨਿਜ਼ ਸਟੀਲ ਅਤੇ ਐਲੂਮੀਨੀਅਮ ਉਤਪਾਦ ’ਤੇ ਵੀ ਟੈਰਿਫ ਵਧਾ ਕੇ 25 ਫੀਸਦੀ ਕੀਤਾ ਜਾਵੇਗਾ।
ਬੀਜਿੰਗ ਨੇ ਕਿਹਾ ਕਿ ਇਹ ਡਬਲਿਊ ਟੀ.ਓ. ਦੇ ਨਿਯਮਾਂ ਦੀ ਉਲੰਘਣਾ ਹੈ ਤੇ ਕੈਨੇਡਾ ਨੂੰ ਤੁਰੰਤ ਆਪਣੀ ਗਲਤੀ ਸੁਧਾਰਨੀ ਚਾਹੀਦੀ ਹੈ।
ਗੌਰਤਲਬ ਹੈ ਕਿ ਡਬਲਿਊ ਟੀ.ਓ. ਵਿਚ ਚੀਨ ਨੇ ਇਹ ਪਹੁੰਚ ਉਸ ਸਮੇਂ ਕੀਤੀ ਹੈ ਜਦੋਂ ਉਸ ਨੇ ਕੈਨੇਡੀਅਨ ਕੈਨੋਲਾ ਆਯਾਤ ਖਿਲਾਫ ਐਂਟੀ ਡੰਪਿੰਗ ਜਾਂਚ ਸ਼ੁਰੂ ਕਰਨ ਦੀ ਧਮਕੀ ਦਿੱਤੀ ਹੈ, ਜਿਸ ਕਾਰਨ ਕੈਨੇਡੀਅਨ ਕੈਨੋਲਾ ਕਿਸਾਨ ਅਤੇ ਇੰਡਸਟਰੀ ਚਿੰਤਤ ਹਨ।
