13.65C Vancouver 13.65C VancouverAug 16, 2023 7:35 PM - Connect News
ਚੀਨੀ ਸਰਕਾਰ ਨੇ ਕੈਨੇਡਾ ਨੂੰ ਟੂਰ ਗਰੁੱਪਸ ਲਈ ਪ੍ਰਵਾਨਿਤ ਅੰਤਰਰਾਸ਼ਟਰੀ ਯਾਤਰਾ ਸਥਾਨਾਂ ਦੀ ਸੂਚੀ ਵਿੱਚੋਂ ਬਾਹਰ ਕਰ ਦਿੱਤਾ ਹੈ।
ਇਹ ਫੈਸਲਾ ਕੈਨੇਡਾ ਦੇ ਟ੍ਰੈਵਲ ਇੰਡਸਟਰੀ ਦੀ ਮਹਾਂਮਾਰੀ ਤੋਂ ਬਾਅਦ ਦੀ ਰਿਕਵਰੀ ਲਈ ਨੁਕਸਾਨਦੇਹ ਹੋ ਸਕਦਾ ਹੈ।
ਚੀਨੀ ਵਿਦੇਸ਼ ਮੰਤਰਾਲੇ ਨੇ 10 ਅਗਸਤ ਨੂੰ ਐਲਾਨ ਕੀਤਾ ਕਿ ਗਰੁੱਪ ਟੂਰ ਅਤੇ ਪੈਕੇਜ ਯਾਤਰਾ ਲਈ ਮਨਜ਼ੂਰਸ਼ੁਦਾ ਸਥਾਨਾਂ ਦੀ ਸੂਚੀ ਵਿੱਚ 78 ਦੇਸ਼ਾਂ ਨੂੰ ਸ਼ਾਮਲ ਕੀਤਾ ਗਿਆ ਹੈ।
ਚੀਨ ਦੇ ਟਰੈਵਲ ਏਜੰਟ ਚੀਨੀ ਨਾਗਰਿਕਾਂ ਲਈ ਵਿਦੇਸ਼ ਯਾਤਰਾ ਦੇ ਪ੍ਰਚਾਰ ਅਤੇ ਯਾਤਰਾ ਨੂੰ ਬੁੱਕ ਕਰਦੇ ਸਮੇਂ ਇਸ ਸੂਚੀ ਦੀ ਵਰਤੋਂ ਕਰਦੇ ਹਨ।
ਇਸ ਸੂਚੀ ਚੋਂ ਕੈਨੇਡਾ ਨੂੰ ਬਾਹਰ ਕਰਨ ਦੇ ਸਵਾਲ 'ਤੇ ਔਟਵਾ ਸਥਿਤ ਚੀਨ ਐਮਬੈੱਸੀ ਦੇ ਜਨਤਕ ਮਾਮਲਿਆਂ ਦੇ ਦਫ਼ਤਰ ਨੇ ਕਿਹਾ ਕਿ ਹਾਲ ਹੀ ਵਿਚ ਕੈਨੇਡਾ ਵੱਲੋਂ ਵਾਰ-ਵਾਰ ਚੀਨੀ ਦਖਲਅੰਦਾਜ਼ੀ ਦਾ ਰੌਲਾ ਪਾਇਆ ਗਿਆ ਹੈ ਅਤੇ ਕੈਨੇਡਾ ਅੰਦਰ ਏਸ਼ੀਅਨ ਵਿਰੋਧੀ ਸ਼ਬਦਾਂ ਅਤੇ ਗਤੀਵਿਧੀਆਂ ਵਿਚ ਕਾਫ਼ੀ ਵਾਧਾ ਹੋ ਰਿਹਾ ਹੈ।
ਐਮਬੈੱਸੀ ਨੇ ਲਿਖਿਆ, ਚੀਨੀ ਸਰਕਾਰ ਵਿਦੇਸ਼ਾਂ ਵਿਚ ਰਹਿੰਦੇ ਚੀਨੀ ਨਾਗਰਿਕਾਂ ਦੀ ਸੁਰੱਖਿਆ ਅਤੇ ਜਾਇਜ਼ ਅਧਿਕਾਰਾਂ ਦੀ ਰੱਖਿਆ ਨੂੰ ਬਹੁਤ ਮਹੱਤਵ ਦਿੰਦੀ ਹੈ ਅਤੇ ਚਾਹੁੰਦੀ ਹੈ ਕਿ ਉਹ ਸੁਰੱਖਿਅਤ ਅਤੇ ਦੋਸਤਾਨਾ ਮਾਹੌਲ ਵਿੱਚ ਯਾਤਰਾ ਕਰ ਸਕਣ।
