16.63C Vancouver 16.63C VancouverMar 22, 2022 12:30 AM - The Canadian Press
ਚੀਨ 'ਚ ਵਾਪਰੇ ਪਲੇਨ ਕਰੈਸ਼ ਸੰਬੰਧੀ ਇੱਕ ਦਿਲ ਦਹਿਲਾ ਦੇਣ ਵਾਲੀ ਵੀਡੀਓ ਉਜਾਗਰ ਹੋਈ ਹੈ।
ਇਸ ਵੀਡੀਓ 'ਚ ਕਰੈਸ਼ ਹੋ ਰਹੇ ਹਵਾਈ ਜਹਾਜ਼ ਨੂੰ ਬੇਹੱਦ ਤੇਜ ਰਫਤਾਰ 'ਤੇ ਨੱਕ ਦੀ ਸੇਧ 'ਚ ਜਮੀਨ ਵੱਲ ਡਿਗਦੇ ਵੇਖਿਆ ਜਾ ਸਕਦਾ ਹੈ।
ਜਹਾਜ਼ ਦੇ ਕਰੈਸ਼ ਸੰਬੰਧੀ ਇਸ ਵੀਡੀਓ ਨੂੰ ਚਾਈਨਾ ਏਵੀਏਸ਼ਨ ਰੀਵਿਊ ਦੇ ਟਵਿਟਰ ਖਾਤੇ ਤੋਂ ਸਾਂਝਾ ਕੀਤਾ ਗਿਆ ਹੈ।
ਇਸ ਵੀਡੀਓ ਬਾਰੇ ਦੱਸਿਆ ਗਿਆ ਹੈ ਕਿ ਇਹ ਕਿਸੇ ਸਰਵੇਲੈਂਸ ਫੁਟੇਜ 'ਤੇ ਕੈਦ ਹੋਈਆਂ ਤਸਵੀਰਾਂ ਸਨ।
ਹਾਲਾਂਕਿ ਇਸ ਨੂੰ ਜਹਾਜ਼ ਦੇ ਡਿੱਗਣ ਦਾ ਅਧਿਕਾਰਿਤ ਵੀਡੀਓ ਹੋਣ ਦੀ ਪੁਸ਼ਟੀ ਨਹੀਂ ਕੀਤੀ ਗਈ ਹੈ।
ਹਾਲਾਂਕਿ ਮੀਡੀਆ ਰਿਪੋਰਟਸ 'ਚ ਇਸ ਵੀਡੀਓ ਦੇ ਹਵਾਲੇ ਨਾਲ ਖਬਰਾਂ ਸਾਹਮਣੇ ਆਈਆਂ ਹਨ।
ਅੱਜ 132 ਲੋਕਾਂ ਨੂੰ ਲੈ ਕੇ ਜਾ ਰਿਹਾ ਬੋਈਂਗ ਦਾ ਜਹਾਜ਼ ਸਾਊਥ ਚੀਨ ਦੇ ਜੰਗਲੀ ਇਲਾਕੇ ਵਿੱਚ ਕ੍ਰੈਸ਼ ਕਰ ਗਿਆ।
ਫਲਾਈਟ ਟ੍ਰੈਕਿੰਗ ਵੈਬਸਾਈਟ FlightRadar24 dot com ਦੇ ਡਾਟਾ ਦੇ ਅਨੁਸਾਰ ਜਹਾਜ਼ 30,000 ਫੁੱਟ ਉੱਪਰ ਜਾ ਕੇ 90 ਸੈਕਿੰਡਸ ਦੇ ਅੰਦਰ-ਅੰਦਰ ਕਰੈਸ਼ ਕਰ ਗਿਆ।
ਹੁਣ ਤਕ ਘਟਨਾ 'ਚ ਕਿਸੇ ਦੇ ਬਚਣ ਦੀ ਜਾਣਕਾਰੀ ਨਹੀਂ ਹੈ।
ਹਵਾਈ ਜਹਾਜ਼ 'ਤੇ 123 ਸਵਾਰੀਆਂ ਅਤੇ 9 ਕਰਿਊ ਮੈਂਬਰ ਸਵਾਰ ਸਨ।
ਘਟਨਾ 'ਚ ਸ਼ਾਮਿਲ ਹਵਾਈ ਜਹਾਜ਼ ਬਾਰੇ ਦੱਸਿਆ ਗਿਆ ਕਿ ਇਹ ਬੋਇੰਗ 737-800 ਜਹਾਜ਼ ਸੀ।
ਘਟਨਾ ਤੋਂ ਬਾਅਦ ਬੋਇੰਗ ਦੇ ਸਟੌਕਸ 3.6% ਹੇਠਾਂ ਡਿੱਗੇ ਦੱਸੇ ਗਏ ਹਨ।
ਵੀਡੀਓ ਵੇਖਣ ਲਈ ਲਿੰਕ ਕਲਿਕ ਕਰੋ:
