18.42C Vancouver 18.42C VancouverJun 11, 2024 3:37 PM - The Associated Press
ਚੀਨ ਦੇ ਜਿਲਿਨ ਸ਼ਹਿਰ ਦੀ ਇੱਕ ਪਬਲਿਕ ਪਾਰਕ ਵਿਚ ਅਮਰੀਕਾ ਦੇ 4 ਯੂਨੀਵਰਸਿਟੀ ਟਿਊਟਰ ’ਤੇ ਚਾਕੂ ਨਾਲ ਹਮਲਾ ਹੋਇਆ ਹੈ। ਪੁਲਿਸ ਨੇ ਇਸ ਮਾਮਲੇ ਵਿਚ 55 ਸਾਲਾ ਮੁਲਜ਼ਮ ਨੂੰ ਗ੍ਰਿਫਤਾਰ ਕੀਤਾ ਹੈ।
ਚੀਨ ਦੀ ਵਿਦੇਸ਼ੀ ਮੰਤਰਾਲੇ ਨੇ ਕਿਹਾ ਕਿ ਜ਼ਖਮੀਆਂ ਵਿਚੋਂ ਕਿਸੇ ਦੀ ਵੀ ਹਾਲਤ ਖਤਰੇ ਵਿਚ ਨਹੀਂ। ਪੁਲਿਸ ਨੇ ਕਿਹਾ ਕਿ ਮੁਲਜ਼ਮ ਦੀ ਪਹਿਲਾਂ ਇੱਕ ਅਮਰੀਕਨ ਨਾਲ ਬਹਿਸ ਹੋਈ ਅਤੇ ਇਸ ਦੌਰਾਨ ਉਸ ਨੂੰ ਬਚਾਉਣ ਦੀ ਕੋਸ਼ਿਸ਼ ਵਿਚ ਆਏ ਤਿੰਨ ਹੋਰਾਂ ’ਤੇ ਵੀ ਚਾਕੂ ਨਾਲ ਹਮਲਾ ਕਰ ਦਿੱਤਾ।
ਅਮਰੀਕੀ ਅਧਿਆਪਕ ਚੀਨ ਦੀ ਬੇਹੁਆ ਯੂਨੀਵਰਸਿਟੀ ਨਾਲ ਇੱਕ ਪਾਰਟਨਰਸ਼ਿਪ ਪ੍ਰੋਗਰਾਮ ਤਹਿਤ ਉੱਥੇ ਗਏ ਸਨ। ਇਹ ਟੀਚਰਜ਼ ਆਇਓਵਾ ਦੇ ਪ੍ਰਾਈਵੇਟ ਕਾਰਨੇਲ ਕਾਲਜ ਦੇ ਹਨ। ਅਮਰੀਕਾ ਨੇ ਕਿਹਾ ਕਿ ਉਹ ਸਥਿਤੀ ਦੀ ਨਿਗਰਾਨੀ ਕਰ ਰਿਹਾ ਹੈ।
ਗੌਰਤਲਬ ਹੈ ਕਿ ਚੀਨ ਦੁਨੀਆ ਦੇ ਉਨ੍ਹਾਂ ਦੇਸ਼ਾਂ ਵਿਚ ਸ਼ਾਮਲ ਹੈ ਜਿੱਥੇ ਹਿੰਸਕ ਅਪਰਾਧ ਦੀ ਦਰ ਘੱਟ ਹੈ। ਇੱਥੇ ਬੰਦੂਕਾਂ ਦੀ ਵਰਤੋਂ ਨੂੰ ਲੈ ਕੇ ਸਖਤ ਨਿਯਮ ਹਨ।
ਹਾਲਾਂਕਿ, ਚੀਨ ਵਿਚ ਸਕੂਲਾਂ, ਹਸਪਤਾਲਾਂ ਅਤੇ ਪਾਰਕਾਂ ਵਰਗੀਆਂ ਜਨਤਕ ਥਾਵਾਂ ’ਤੇ ਕਈ ਵਾਰ ਚਾਕੂ ਮਾਰਨ ਦੀਆਂ ਘਟਨਾਵਾਂ ਵਾਪਰ ਚੁੱਕੀਆਂ ਹਨ। ਮਈ ਵਿਚ ਯੂਨਾਨ ਸੂਬੇ ਦੇ ਇਕ ਹਸਪਤਾਲ ਵਿਚ ਹੋਏ ਹਮਲੇ ਵਿਚ ਦੋ ਲੋਕਾਂ ਦੀ ਮੌਤ ਹੋਈ ਸੀ ਅਤੇ 21 ਜ਼ਖਮੀ ਹੋਏ ਸਨ।
