11.71C Vancouver 11.71C VancouverJan 4, 2023 1:46 AM - Connect News
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਅਪਰਾਧਿਕ ਇਤਿਹਾਸ ਵਾਲੇ ਵਿਅਕਤੀ ਨੂੰ ਮੁੜ ਗ੍ਰਿਫਤਾਰ ਕੀਤਾ ਗਿਆ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਵਿਅਕਤੀ 'ਤੇ ਮੌਜੂਦਾ ਗ੍ਰਿਫਤਾਰੀ ਤੋਂ ਪਹਿਲਾਂ 115 ਕਨਵਿਕਸ਼ਨਸ ਹੋ ਚੁੱਕੀਆਂ ਹਨ।
ਪੁਲਿਸ ਦਾ ਕਹਿਣਾ ਹੈ ਕਿ ਹੁਣ ਇਸ ਵਿਅਕਤੀ ਦੀ ਗ੍ਰਿਫਤਾਰੀ ਸਾਊਥ ਗ੍ਰੈਨਵਿਲ ਗੈਲਰੀ ਤੋਂ $40,000 ਦੇ ਕਰੀਬ ਦਾ ਫਾਈਨ ਆਰਟ ਚੋਰੀ ਕਰਨ ਦੇ ਮਾਮਲੇ 'ਚ ਹੋਈ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਅਫਸਰਾਂ ਨੇ ਇਸ ਵਿਅਕਤੀ ਨੂੰ ਸ਼ਨੀਵਾਰ ਨੂੰ ਗ੍ਰਿਫਤਾਰ ਕੀਤਾ ਸੀ।
ਗੈਲਰੀ ਦੇ ਮਾਲਕ ਨੇ ਪੁਲਿਸ ਨੂੰ 911 ਕਾਲ ਆਸਰੇ ਦੱਸਿਆ ਸੀ ਕਿ ਇੱਕ ਨਾਮੀ ਚੋਰ ਗੈਲਰੀ 'ਚ ਪਹੁੰਚ ਗਿਆ ਹੈ ਅਤੇ ਉਸ ਨੇ ਇੱਕ ਮਹਿੰਗੇ ਪੀਸ ਨੂੰ ਚੋਰੀ ਕਰ ਲਿਆ ਹੈ।
ਸਾਰਜੈਂਟ ਸਟੀਵ ਐਡੀਸਨ ਨੇ ਦੱਸਿਆ ਕਿ ਅਫਸਰਾਂ ਨੇ ਮੌਕੇ 'ਤੇ ਪਹੁੰਚ ਸਿਕਿਉਰਿਟੀ ਫੁਟੇਜ ਖੰਗਾਲੀ ਅਤੇ ਤੁਰੰਤ ਅਪਰਾਧੀ ਨੂੰ ਪਛਾਣ ਲਿਆ।
ਵਿਅਕਤੀ ਮੌਕੇ ਤੋਂ ਨਿਕਲ ਗਿਆ ਸੀ ਪਰ ਪੁਲਿਸ ਈਸਟ ਵੈਨਕੂਵਰ 'ਚ ਉਸ ਦੇ ਘਰ ਪਹੁੰਚ ਗਈ ਅਤੇ ਜਦ ਵਿਅਕਤੀ ਘਰ ਪਹੁੰਚਿਆ ਤਾਂ ਉਸ ਨੂੰ ਚੋਰੀ ਦੇ ਆਰਟ ਸਮੇਤ ਕਾਬੂ ਕਰ ਲਿਆ।
ਜਾਂਚ ਅਧਿਕਾਰੀਆਂ ਨੇ ਬਾਅਦ 'ਚ ਤਲਾਸ਼ੀ ਦੌਰਾਨ ਘਰ ਵਿੱਚੋਂ ਇੱਕ ਹੋਰ ਆਰਟ ਰਿਕਵਰ ਕੀਤਾ।
ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲੇ 'ਚ ਫਰਾਂਸਿਸ ਬੌਵਿਨ ਨਾਮ ਦੇ 50 ਸਾਲਾ ਵਿਅਕਤੀ 'ਤੇ $5,000 ਤੋਂ ਵਧੇਰੇ ਦੀ ਚੋਰੀ ਦੇ 2 ਦੋਸ਼ ਲੱਗੇ ਹਨ।
