ਕ੍ਰਿਸਟੀਆ ਫਰੀਲੈਂਡ: ਕੈਨੇਡਾ ਤੇ ਅਮਰੀਕਾ ਦੇ ਸੰਬੰਧਾਂ ਨੂੰ "ਵਧੇਰੇ ਬਾਗ਼ਬਾਨੀ" ਦੀ ਲੋੜ, ਤਾਂ ਜੋ ਸਪਲਾਈ ਲਾਈਨਾਂ 'ਚ ਨਾ ਪਵੇ ਵਿਘਨ

ਡਿਪਟੀ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫਰੀਲੈਂਡ ਦਾ ਕਹਿਣਾ ਹੈ ਕਿ ਕੈਨੇਡਾ ਦੇ ਅਮਰੀਕਾ ਨਾਲ ਸੰਬੰਧ ਹਮੇਸ਼ਾ ਤੋਂ ਹੀ ਧਿਆਨ ਰੱਖਣ ਦੀ ਮੰਗ ਕਰਦੇ ਰਹੇ ਹਨ, ਪਰ ਉਨ੍ਹਾਂ ਕਿਹਾ ਕਿ ਹੁਣ ਇਨ੍ਹਾਂ ਸੰਬੰਧਾਂ ਨੂੰ 'constant gardening' ਯਾਨੀ ਕਿ ਵਧੇਰੇ ਬਾਗਬਾਨੀ ਦੀ ਲੋੜ ਪਵੇਗੀ, ਤਾਂ ਜੋ ਸਪਲਾਈ ਲਾਈਨਾਂ 'ਚ ਕੋਈ ਵਿਘਨ ਨਾ ਪਵੇ।

ਉਨ੍ਹਾਂ ਜੋਰ ਦਿੰਦਿਆਂ ਕਿਹਾ ਕਿ, ਕਨੇਡੀਅਨ ਡਿਪਲੋਮੈਟ ਵਾਰ-ਵਾਰ ਇਹ ਗੱਲ ਦੋਹਰਾ ਰਹੇ ਹਨ ਕਿ ਅਮਰੀਕਾ ਨੂੰ ਵੀ ਕੈਨੇਡਾ ਦੀ ਉੰਨੀ ਹੀ ਲੋੜ ਹੈ ਜਿੰਨੀ ਕਿ ਕੈਨੇਡਾ ਨੂੰ ਅਮਰੀਕਾ ਦੀ ਹੈ।

ਅੱਜ ਅਮਰੀਕਾ ਵੱਲੋਂ ਕੁਝ ਡਰਾਫਟ ਨਿਯਮ ਲਾਗੂ ਕੀਤੇ ਗਏ ਹਨ, ਜਿਸਦੇ ਅਨੁਸਾਰ ਅਮਰੀਕੀ ਕੰਪਨੀਆਂ ਨੂੰ ਆਪਣੇ ਵਿਦੇਸ਼ੀ ਕਲਾਇੰਟਸ ਦੇ ਮੌਜੂਦਾ ਆਰਡਰਾਂ ਨੂੰ ਪੂਰਾ ਕਰਨ ਦਾ ਮੌਕਾ ਦਿੱਤਾ ਜਾਵੇਗਾ, ਪਰ ਇਹ ਉਦੋਂ ਹੀ ਹੋ ਸਕੇਗਾ ਜਦ ਉਨ੍ਹਾਂ ਦੀ 80% ਘਰੇਲੂ ਪ੍ਰੋਡਕਸ਼ਨ ਪਿਛਲੇ 12 ਮਹੀਨੇ ਦੇ ਦੌਰਾਨ ਅਮਰੀਕਾ 'ਚ ਸਪਲਾਈ ਕੀਤੀ ਗਈ ਹੋਵੇ।