ਫ੍ਰੀਲੈਂਡ ਨੇ ਅਗਲੀ ਫੈਡਰਲ ਚੋਣ ਲੜਨ ਦਾ ਕੀਤਾ ਐਲਾਨ

ਕੈਨੇਡਾ ਦੀ ਡਿਪਟੀ ਪੀ.ਐੱਮ ਤੇ ਵਿੱਤ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਨੇ ਅਗਲੀ ਫੈਡਰਲ ਚੋਣ ਇੱਕ ਵਾਰ ਫਿਰ ਤੋਂ ਲੜਨ ਦਾ ਐਲਾਨ ਕੀਤਾ ਹੈ। ਇਹ ਪੁੱਛੇ ਜਾਣ 'ਤੇ ਕੀ ਉਹ ਮੌਕਾ ਮਿਲਣ 'ਤੇ ਲਿਬਰਲ ਪਾਰਟੀ ਦੀ ਵਾਗਡੋਰ ਆਪਣੇ ਹੱਥਾਂ ਵਿਚ ਲੈਣਾ ਚਾਹੁਣਗੇ ਤਾਂ ਉਨ੍ਹਾਂ ਇਸ ਸਵਾਲ ਨੂੰ ਟਾਲ ਦਿੱਤਾ।

ਫ੍ਰੀਲੈਂਡ ਨੇ ਕਿਹਾ ਕਿ ਟਰੂਡੋ ਟੀਮ ਨੂੰ ਬਹੁਤ ਵਧੀਆ ਲੀਡ ਕਰ ਰਹੇ ਹਨ ਅਤੇ ਉਹ ਉਨ੍ਹਾਂ ਦੀ ਸਪੋਰਟ ਕਰਦੇ ਹਨ।ਡਿਪਟੀ ਪੀ.ਐੱਮ ਨੇ ਇਸ ਦੌਰਾਨ ਹਾਲ ਹੀ ਦੇ ਸਰਵੇ 'ਤੇ ਵੀ ਪ੍ਰਤੀਕਰਮ ਦਿੱਤਾ, ਜਿਨ੍ਹਾਂ ਦਾ ਕਹਿਣਾ ਹੈ ਕਿ ਕੰਜ਼ਰਵੇਟਿਵ ਲਿਬਰਲਸ ਨੂੰ ਸੀਟਸ ਦੇ ਵੱਡੇ ਫਰਕ ਨਾਲ ਪਛਾੜ ਦੇਣਗੇ। ਫ੍ਰੀਲੈਂਡ ਨੇ ਕਿਹਾ ਕਿ ਮੈਨੂੰ ਉਮੀਦ ਹੈ ਕਿ ਟਰੂਡੋ ਬਹੁਤ ਵਧੀਆ ਕੰਮ ਕਰ ਰਹੇ ਹਨ ਅਤੇ ਉਨ੍ਹਾਂ ਦੀ ਅਗਵਾਈ ਵਿਚ ਲਿਬਰਲਸ ਦੁਬਾਰਾ ਸੱਤਾ ਵਿਚ ਵਾਪਸੀ ਕਰਨਗੇ।

ਫ੍ਰੀਲੈਂਡ ਨੇ ਇਸ ਦੌਰਾਨ ਸਪੱਸ਼ਟ ਤੌਰ 'ਤੇ ਕਿਹਾ ਕਿ ਮੈਂ ਯਕੀਨੀ ਤੌਰ 'ਤੇ ਅਗਲੇ ਫੈਡਰਲ ਇਲੈਕਸ਼ਨ ਲੜਨ ਜਾ ਰਹੀ ਹਾਂ। ਗੌਰਤਲਬ ਹੈ ਕਿ ਉਹ ਪਹਿਲੀ ਵਾਰ ਉਹ ਜੁਲਾਈ 2013 ਵਿੱਚ ਟੋਰਾਂਟੋ ਸੈਂਟਰ ਤੋਂ ਮੈਂਬਰ ਪਾਰਲੀਮੈਂਟ ਬਣੇ ਸਨ ਅਤੇ ਇਸ ਤੋਂ ਬਾਅਦ ਉਹ ਇਸ ਦੇ ਨੇੜਲੇ ਹਲਕੇ ਯੂਨੀਵਰਸਿਟੀ-ਰੋਜ਼ਡੇਲ ਤੋਂ ਲਗਾਤਾਰ ਤਿੰਨ ਵਾਰ ਇਲੈਕਸ਼ਨ ਜਿੱਤਦੇ ਆਏ ਹਨ।