14.6C Vancouver 14.6C VancouverNov 10, 2020 9:44 PM -
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ, 'ਸਿਟੀ ਆਫ ਪ੍ਰਿੰਸ ਜਾਰਜ' ਇੱਕ ਵੱਡੇ ਫਰੌਡ ਦਾ ਨਿਸ਼ਾਨਾ ਬਣ ਗਈ ਹੈ।
ਸਿਟੀ ਵੱਲੋਂ ਪੁਲਿਸ ਨੂੰ ਸਿਤੰਬਰ 'ਚ ਸੱਦਿਆ ਗਿਆ ਸੀ ਜਦ ਸਟਾਫ਼ ਨੇ ਇੱਕ ਕੰਟ੍ਰੈਕਟਰ ਨੂੰ $7,00,000 ਤੋਂ ਵਧੇਰੇ ਦੀਆਂ 2 ਪੇਮੈਂਟਾਂ ਭੇਜੀਆਂ ਸਨ।
ਪੁਲਿਸ ਦਾ ਕਹਿਣਾ ਹੈ ਕਿ ਪੈਸੇ ਨੂੰ ਧੋਖੇ ਦੇ ਨਾਲ ਰੀਡਾਇਰੈਕਟ ਕਰ ਦਿੱਤਾ ਗਿਆ ਸੀ।
ਪੁਲਿਸ ਨੇ ਦੱਸਿਆ ਕਿ ਜਾਂਚ ਅਧਿਕਾਰੀਆਂ ਨੇ ਫਾਇਨੈਨਸ਼ੀਅਲ ਇੰਸਟੀਟਿਊਸ਼ਨਾਂ ਨਾਲ ਮਿਲ ਕੇ $3,75,000 ਵਿੱਚੋਂ ਵਧੇਰੇ ਹਾਸਿਲ ਕਰ ਲਏ ਸਨ, ਪਰ $3,75,000 ਦੀ ਦੂਜੀ ਪੇਮੈਂਟ ਹੱਥ ਨਹੀਂ ਲੱਗੀ।
ਜਾਣਕਾਰੀ ਦਿੱਤੀ ਗਈ ਕਿ ਅਫ਼ਸਰ ਕਈ ਲੀਡਸ 'ਤੇ ਅੰਤਰਰਾਸ਼ਟਰੀ ਪਾਰਟਨਰਸ ਨਾਲ ਮਿਲ ਕੇ ਕੰਮ ਕਰ ਰਹੇ ਹਨ ਤਾਂ ਜੋ ਕੰਪਿਊਟਰ ਨਾਲ ਸੰਬੰਧਤ ਇਸ ਅਪਰਾਧ 'ਚ ਸ਼ਾਮਿਲ ਲੋਕਾਂ ਤੱਕ ਪਹੁੰਚਿਆ ਜਾ ਸਕੇ।
ਕੌਰਪੋਰਲ ਕ੍ਰੈਗ ਡਗਲਸ ਦਾ ਕਹਿਣਾ ਹੈ ਕਿ ਇਸ ਦਾ ਕੋਈ ਸਬੂਤ ਨਹੀਂ ਮਿਲਿਆ ਹੈ ਕਿ ਸਿਟੀ ਨੂੰ ਹੈਕ ਦਾ ਨਿਸ਼ਾਨਾ ਬਣਾਇਆ ਗਿਆ ਜਾਂ ਨਿੱਜੀ ਜਾਣਕਾਰੀ ਨੂੰ ਕੰਪਰੋਮਾਈਜ਼ ਕੀਤਾ ਗਿਆ ਹੋਵੇ।
