13.53C Vancouver 13.53C VancouverOct 31, 2023 6:46 PM - The Canadian Press
ਸਿਟੀ ਆਫ਼ ਸਰੀ ਵੱਲੋਂ ਅਜਿਹੇ ਬਿਜ਼ਨਸ ਦੀ ਭਾਲ ਕੀਤੀ ਜਾ ਰਹੀ ਹੈ ਜੋ ਅਪਣੀ ਇੰਡਸਟਰੀਅਲ ਜ਼ਮੀਨ ਲੀਜ਼ ਕਰਨ ਨੂੰ ਤਿਆਰ ਹੋਣ ਅਤੇ ਫਿਰ ਇਸ ਜ਼ਮੀਨ ਨੂੰ ਟਰੱਕ ਪਾਰਕਿੰਗ ਦੀ ਸਹੂਲਤ ਦੇ ਤੌਰ ਤੇ ਇਸਤੇਮਾਲ ਕੀਤਾ ਜਾ ਸਕੇ।
ਬੀਤੇ ਦਿਨ ਸਰੀ ਸਿਟੀ ਕੌਂਸਲ ਦੀ ਮੀਟਿੰਗ ਵਿੱਚ ਕੌਂਸਲ ਨੇ ਸੰਭਾਵੀ ਪਾਰਕਿੰਗ ਆਪਰੇਟਰ ਵਾਸਤੇ ਬੇਨਤੀ ਪ੍ਰਸਤਾਵ ਲਈ ਵੋਟਾਂ ਪਾਈਆਂ।
ਮੇਅਰ ਬਰੈਂਡਾ ਲੌਕ ਦਾ ਇਸ ਮੌਕੇ ਕਹਿਣਾ ਹੈ ਕਿ ਸਰੀ ਵਿੱਚ ਵੱਡੇ ਟਰੱਕ ਪਾਰਕ ਕਰਨ ਦੀ ਸਮੱਸਿਆ ਤਕਰੀਬਨ ਇੱਕ ਦਹਾਕੇ ਪੁਰਾਣੀ ਹੈ।
ਟਰੱਕ ਪਾਰਕ ਕਾਰਨ ਵਾਸਤੇ ਸਹੂਲਤਾਂ ਦੀ ਘਾਟ ਕਾਰਨ ਟਰੱਕਾਂ ਨੂੰ ਸੜਕਾਂ 'ਤੇ ਹੀ ਪਾਰਕ ਕੀਤਾ ਜਾਂਦਾ ਹੈ।
ਹੁਣ ਸਿਟੀ ਸਟਾਫ਼ ਨੂੰ ਤਾਕੀਦ ਕੀਤੀ ਗਈ ਹੈ ਕਿ ਅਜਿਹੀਆਂ ਥਾਵਾਂ ਨੂੰ ਲੱਭਿਆ ਜਾਵੇ ਜਿਨ੍ਹਾਂ ਨੂੰ ਟਰੱਕ ਪਾਰਕਿੰਗ ਵਾਸਤੇ ਇਸਤੇਮਾਲ ਕੀਤਾ ਜਾ ਸਕੇ।
ਮੇਅਰ ਦਾ ਕਹਿਣਾ ਹੈ ਕਿ ਟਰੱਕਾਂ ਦੀ ਬਹੁਤ ਵੱਡੀ ਗਿਣਤੀ ਸਰੀ ਵਿੱਚ ਰਹਿੰਦੀ ਹੈ ਤੇ ਟਰਾਕਿੰਗ ਇੰਡਸਟਰੀ ਸਪਲਾਈ ਚੇਨ ਚੱਲਦੀ ਰੱਖਣ ਵਿੱਚ ਬਹੁਤ ਅਹਿਮ ਯੋਗਦਾਨ ਪਾ ਰਹੀ ਹੈ।
ਕੌਂਸਲਰ ਹੈਰੀ ਬੈਂਸ ਦਾ ਕਹਿਣਾ ਹੈ ਕਿ ਸਰੀ ਵਿੱਚ ਇੰਡਸਟਰੀਅਲ ਲੈਂਡ ਹੋਣ ਦੇ ਬਾਵਜੂਦ ਟਰਾਕਿੰਗ ਇੰਡਸਟਰੀ ਨੂੰ ਮਦਦ ਕਰਨ ਲਈ ਸਿਸਟਮ ਫੇਲ ਰਿਹਾ ਹੈ, ਜਿਸ ਕਰਕੇ ਟਰੱਕਾਂ ਨੂੰ ਮਜਬੂਰੀ ਵੱਸ ਸੜਕਾਂ 'ਤੇ ਪਾਰਕ ਕੀਤਾ ਜਾ ਰਿਹਾ ਹੈ, ਜਿਸ ਕਰਕੇ ਰੌਲੇ ਦੀਆਂ ਸ਼ਿਕਾਇਤਾਂ ਹੁੰਦੀਆਂ ਹਨ।
ਹੁਣ ਸਿਟੀ ਸਟਾਫ਼ ਵੱਲੋਂ ਸੂਬੇ ਦੀ ਸਰਕਾਰ ਵਾਲੀ ਜ਼ਮੀਨ ਨੂੰ ਲੱਭੇ ਜਾਣ ਅਤੇ ਉਸ ਜ਼ਮੀਨ ਨੂੰ ਟਰੱਕ ਪਾਰਕਿੰਗ ਲਈ ਇਸਤੇਮਾਲ ਕਰਨ ਦੀ ਸੰਭਾਵਨਾ ਦੇਖਣ ਵਾਸਤੇ ਬੀ ਸੀ ਟਰਾਂਸਪੋਰਟੇਸ਼ਨ ਫਾਈਨੈਂਸਿੰਗ ਅਥਾਰਟੀ ਨਾਲ ਰਲ ਕੇ ਕੰਮ ਕੀਤਾ ਜਾਵੇਗਾ।
