11.85C Vancouver 11.85C VancouverDec 31, 2021 5:33 PM - Connect News
ਸਿਟੀ ਆਫ ਸਰੀ ਵੱਲੋਂ ਤੁਰੰਤ ਪ੍ਰਭਾਵ ਨਾਲ 84 ਐਵੀਨਿਊ ਦੀ ਐਕਸਟੈਨਸ਼ਨ ਨੂੰ ਉਸਾਰਨ 'ਤੇ ਕੰਮ ਸ਼ੁਰੂ ਕੀਤਾ ਜਾਵੇਗਾ।
ਬੀ.ਸੀ. ਸੁਪ੍ਰੀਮ ਕੋਰਟ ਨੇ ਫੈਸਲਾ ਸੁਣਾਇਆ ਹੈ ਕਿ ਸਿਟੀ ਆਫ ਸਰੀ ਦੇ ਅਧਿਕਾਰ ਖੇਤਰ ਦੇ ਵਿੱਚ ਹੈ ਕਿ ਉਹ ਇਸ ਐਕਸਟੈਨਸ਼ਨ 'ਤੇ ਕੰਮ ਕਰ ਸਕਣ। ਸੇਫ ਸਰੀ ਕੋਅਲਿਸ਼ਨ ਦੀ ਅਗਵਾਈ ਵਾਲੀ ਸਿਟੀ ਕਾਉਂਸਿਲ ਨੇ ਇਸ ਪ੍ਰੋਜੈਕਟ 'ਤੇ ਵਧਣ ਸੰਬੰਧੀ ਜੁਲਾਈ ਦੇ ਮਹੀਨੇ 'ਚ ਮਨਜ਼ੂਰੀ ਦਿੱਤੀ ਸੀ।
ਇਸ ਪਿੱਛੇ 88 ਐਵੀਨਿਊ ਅਤੇ ਕਿੰਗ ਜੌਰਜ ਬੁਲੇਵਾਰਡ 'ਤੇ ਭਾਰੀ ਰਸ਼ ਨੂੰ ਇੱਕ ਕਾਰਨ ਦੱਸਿਆ ਗਿਆ ਹੈ।
ਮੇਅਰ ਡਗ ਮੈਕੁਲਮ ਨੇ ਕਿਹਾ ਕਿ 84 ਐਵੀਨਿਊ ਦਾ ਐਕਸਟੈਨਸ਼ਨ, ਇੱਕ ਸੁਰੱਖਿਅਤ, ਕਨਵੀਨੀਐਂਟ ਅਤੇ ਭਰੋਸੇਯੋਗ ਆਲਟਰਨੇਟਿਵ ਕਨੈਕਸ਼ਨ ਪ੍ਰਦਾਨ ਕਰੇਗਾ।
ਉਨ੍ਹਾਂ ਕਿਹਾ ਕਿ ਇਸ ਐਕਸਟੈਨਸ਼ਨ 'ਤੇ ਬੀਤੇ 2 ਦਹਾਕਿਆਂ 'ਚ 2 ਵਾਰ ਪ੍ਰਪੋਜ਼ਲ 'ਤੇ ਵਿਚਾਰ ਕੀਤਾ ਗਿਆ ਹੈ ਪਰ ਕੋਈ ਐਕਸ਼ਨ ਨਹੀਂ ਹੋਇਆ।
ਉਨ੍ਹਾਂ ਕਿਹਾ ਕਿ ਇਸੇ ਸਮੇਂ ਦੌਰਾਨ ਅਨੇਕਾਂ ਦੁਰਘਟਨਾਵਾਂ ਵਾਪਰੀਆਂ ਅਤੇ ਕਿੰਨੇ ਹੋ ਲੋਕ ਜਖਮੀ ਹੋਏ ਤੇ ਕਿੰਨਿਆਂ ਨੇ ਜਾਨ ਵੀ ਗਵਾ ਦਿੱਤੀ।
ਉਨ੍ਹਾਂ ਇਸ ਪਿੱਛੇ ਲੀਡਰਸ਼ਿਪ ਦੀ ਘਾਟ ਨੂੰ ਕਾਰਨ ਦੱਸਿਆ।
ਡਗ ਮੈਕੁਲਮ ਨੇ ਕਿਹਾ ਕਿ ਇਹ ਫੈਸਲਾ ਸਰੀ ਨਿਵਾਸੀਆਂ ਦੇ ਹੱਕ 'ਚ ਹੈ ਅਤੇ ਉਨ੍ਹਾਂ ਨੂੰ ਸੇਫ ਸਰੀ ਕੋਅਲਿਸ਼ਨ ਦੀ ਲੀਡਰਸ਼ਿਪ 'ਤੇ ਮਾਣ ਹੈ।
