11.35C Vancouver 11.35C VancouverDec 9, 2020 8:31 PM -
ਸਿਟੀ ਔਫ ਵੈਨਕੂਵਰ ਦੇ 1.6 ਬਿਲੀਅਨ ਡਾਲਰ ਦੇ ਕੋਵਿਡ-19 ਰਿਸਪਾਂਸ ਬਜਟ ਨੂੰ ਪਾਸ ਕਰ ਦਿੱਤਾ ਗਿਆ ਹੈ।
ਪੈਂਡੇਮਿਕ ਸੰਬੰਧੀ 139 ਮਿਲੀਅਨ ਡਾਲਰ ਦੇ ਘਾਟੇ ਝੱਲਣ ਵਿਚਾਲੇ ਸਾਲ 2021 ਦਾ ਇਹ ਬਜਟ ਪਾਸ ਕੀਤਾ ਗਿਆ ਹੈ।
ਮੇਅਰ ਕੈਨੇਡੀ ਸਟੀਵਰਟ ਦਾ ਕਹਿਣਾ ਹੈ ਕਿ ਬਜਟ ਦੇ ਵਿੱਚ ਓਵਰਡੋਜ਼ ਰਿਸਪਾਂਸ ਐਫਰਟ ਲਈ ਵਧੇਰੇ ਪੈਸਾ ਹੋਵੇਗਾ।
ਇਸ ਤੋਂ ਇਲਾਵਾ ਛੋਟੇ ਵਪਾਰਾਂ, ਹਾਊਸਿੰਗ, ਸੈਨੀਟੇਸ਼ਨ ਅਤੇ ਕਮਿਊਨਿਟੀ ਪੁਲਿਸਿੰਗ ਲਈ ਵਧੇਰੇ ਪੈਸਾ ਰੱਖਣ ਦੀ ਗੱਲ ਆਖੀ ਗਈ ਹੈ। ਉਨ੍ਹਾਂ ਦੱਸਿਆ ਕਿ ਬਜਟ 'ਚ ਪ੍ਰਾਪਰਟੀ ਟੈਕਸ ਵਾਧੇ ਨੂੰ 5% 'ਤੇ ਰੱਖਿਆ ਗਿਆ ਹੈ, ਅਤੇ ਪੁਲਿਸ ਬਜਟ ਨੂੰ 2020 ਦੇ ਪੱਧਰ 'ਤੇ ਰੱਖਿਆ ਗਿਆ ਹੈ।
ਵੈਨਕੂਵਰ ਪੁਲਿਸ ਦੇ ਚੀਫ਼ ਐਡਮ ਪਾਲਮਰ ਦਾ ਕਹਿਣਾ ਹੈ ਕਿ ਉਹ ਵੈਨਕੂਵਰ ਦੇ ਬਜਟ 'ਚ ਪੁਲਿਸ ਲਈ ਰੱਖੇ ਗਏ ਪੈਸੇ ਤੋਂ ਨਿਰਾਸ਼ ਹਨ।
ਉਨ੍ਹਾਂ ਕਿਹਾ ਕਿ ਫੋਰਸ ਨੇ 322 ਮਿਲੀਅਨ ਡਾਲਰ ਦੀ ਮੰਗ ਕੀਤੀ ਸੀ।
ਉਨ੍ਹਾਂ ਕਿਹਾ ਕਿ ਮੌਜੂਦਾ ਸਟਾਫ਼ਿੰਗ ਲੈਵਲ ਨੂੰ ਬਣਾ ਕੇ ਰੱਖਣ ਲਈ ਅਤੇ 'ਫਿਕਸਡ ਕੌਸਟ ਔਬਲੇਗੇਸ਼ਨਸ' 'ਤੇ ਪੂਰਾ ਉਤਰਨ ਲਈ ਇਸ ਦੀ ਲੋੜ ਸੀ।
ਪਰ ਪਾਲਮਰ ਨੇ ਕਿਹਾ ਕਿ ਉਨ੍ਹਾਂ ਨੂੰ 316 ਮਿਲੀਅਨ ਡਾਲਰ ਮਿਲ ਰਹੇ ਹਨ ਜੋ ਕਿ 5.7 ਮਿਲੀਅਨ ਡਾਲਰ ਦਾ ਘਾਟਾ ਹੈ।
