18.7C Vancouver 18.7C VancouverDec 14, 2020 10:28 PM -
ਵੈਨਕੂਵਰ ਦੇ ਸਟਰੈਥਕੋਨਾ ਪਾਰਕ ਦੀ ਐਨਕੈਂਪਮੈਂਟ ਨੂੰ ਜਲਦੀ ਤੋਂ ਜਲਦੀ ਹਟਾਉਣ ਦਾ ਪਲੈਨ ਜਾਰੀ ਕੀਤਾ ਗਿਆ ਹੈ।
ਪਾਰਕ ਬੋਰਡ ਦਾ ਕਹਿਣਾ ਹੈ ਕਿ ਉਹ ਸਿਟੀ ਨਾਲ ਮਿਲ ਕੇ ਕੰਮ ਕਰ ਰਹੇ ਹਨ ਕਿ ਕਈ ਛੋਟੇ ਸਮੇਂ ਦੇ ਸੌਲਿਊਸ਼ਨ ਕੱਢੇ ਜਾ ਸਕਣ, ਜਿਸ ਨਾਲ ਇਹਨਾਂ ਲੋਕਾਂ ਨੂੰ ਟੈਂਪਰੇਰੀ ਇੰਡੋਰ ਥਾਵਾਂ 'ਤੇ ਭੇਜਿਆ ਜਾ ਸਕੇ।
ਹਾਲਾਂਕਿ ਲੰਮੇ ਸਮੇਂ ਦੇ ਹੱਲ ਕੱਢਣ ਦੀ ਵੀ ਗੱਲ ਆਖੀ ਗਈ ਹੈ।
ਇੱਕ ਬਿਆਨ 'ਚ ਬੋਰਡ ਦਾ ਕਹਿਣਾ ਸੀ ਕਿ ਇੱਕ ਵਾਰ ਜਦ ਇੰਡੋਰ ਥਾਵਾਂ ਦਾ ਹੱਲ ਹੋ ਜਾਂਦਾ ਹੈ, ਤਾਂ ਉਹ ਪਾਰਕ 'ਚ ਰਾਤ ਨੂੰ ਕੈਂਪਿੰਗ ਨੂੰ ਹਟਾਏ ਜਾਣ ਦੇ ਕਨੂੰਨ ਨੂੰ ਲਾਗੂ ਕਰਨਗੇ।
ਇੱਕ ਪ੍ਰੈਸ ਰਿਲੀਜ਼ 'ਚ ਜਾਣਕਾਰੀ ਦਿੱਤੀ ਗਈ ਕਿ ਇਸ ਪ੍ਰੀਕਿਰਿਆ ਤਹਿਤ ਕੁਝ ਥਾਵਾਂ ਦੀ ਪਛਾਣ ਕੀਤੀ ਗਈ ਹੈ।
ਇਸ 'ਚ ਜੈਰੀਕੋ ਹੋਸਟਲ ਅਤੇ 2400 ਮੋਟਲ ਦੇ ਨਾਮ ਸਾਂਝੇ ਕੀਤੇ ਗਏ ਹਨ।
ਬੋਰਡ ਚੇਅਰ ਕੈਮਿਲ ਡੁਮੌਂਟ ਦਾ ਕਹਿਣਾ ਹੈ ਕਿ ਬੇਘਰ ਕੈਂਪ ਦਾ ਹੱਲ ਕੱਢਿਆ ਜਾਣਾ ਜ਼ਰੂਰੀ ਹੈ।
ਉਨ੍ਹਾਂ ਕਿਹਾ ਕਿ ਬੇਘਰਾਂ ਲਈ ਇੰਡੋਰ ਥਾਵਾਂ ਦੀ ਭਾਲ 'ਚ ਉਨ੍ਹਾਂ ਦੇ ਪਾਰਟਨਰਸ ਵੱਲੋਂ ਕੀਤੇ ਜਾ ਰਹੇ ਕੰਮ ਤੋਂ ਉਹ ਉਤਸ਼ਾਹਿਤ ਮਹਿਸੂਸ ਕਰ ਰਹੀ ਹਨ।
