16.98C Vancouver 16.98C VancouverJan 29, 2022 1:38 AM - The Canadian Press
ਕਨੇਡੀਅਨ ਨੈਸ਼ਨਲ ਰੇਲਵੇ ਦਾ ਕਹਿਣਾ ਹੈ ਕਿ ਇੰਜੰਕਸ਼ਨ ਦੀ ਪਾਲਣਾ ਨਾ ਕਰਦੇ ਹੋਏ ਸੀ.ਐਨ. ਰੇਲ ਦਾ ਰਸਤਾ ਰੋਕਣ ਵਾਲੇ ਪ੍ਰਦਰਸ਼ਨਕਾਰੀਆਂ ਵਿਰੁੱਧ ਕੋਈ ਕਾਰਵਾਈ ਨਹੀਂ ਕੀਤੀ ਜਾਵੇਗੀ।
ਮਾਮਲਾ ਕਰੀਬ 2 ਸਾਲ ਪਹਿਲਾਂ ਉੱਤਰਪੱਛਮੀ ਬੀ.ਸੀ. 'ਚ ਵਾਪਰੀਆਂ ਘਟਨਾਵਾਂ ਨਾਲ ਸੰਬੰਧਤ ਹੈ।
ਬੀ.ਸੀ. ਪ੍ਰਾਸੀਕਿਊਸ਼ਨ ਸਰਵਿਸ ਵੱਲੋਂ ਬੀਤੇ ਸਾਲ ਅਪ੍ਰੈਲ 'ਚ ਆਖਿਆ ਗਿਆ ਸੀ ਕਿ ਪ੍ਰਦਰਸ਼ਨਕਾਰੀਆਂ ਵਿਰੁੱਧ ਕ੍ਰਿਮੀਨਲ ਕੰਟੈਂਪਟ ਦੇ ਦੋਸ਼ਾਂ 'ਚ ਅੱਗੇ ਵਧਣਾ ਲੋਕਹਿਤ 'ਚ ਨਹੀਂ ਹੋਵੇਗਾ।
ਪਰ ਇਸ ਦੇ ਉਲਟ ਬੀ.ਸੀ. ਸੁਪ੍ਰੀਮ ਕੋਰਟ ਦੇ ਬੀਤੇ ਮਹੀਨੇ ਦੇ ਫੈਸਲੇ 'ਚ ਆਖਿਆ ਗਿਆ ਸੀ ਕਿ ਸੀ.ਐਨ. ਰੇਲ ਇਨ੍ਹਾਂ ਦੋਸ਼ਾਂ ਸੰਬੰਧੀ ਕਨੂੰਨੀ ਐਕਸ਼ਨ ਲੈ ਸਕਦਾ ਹੈ।
ਹਾਲਾਂਕਿ ਅੱਜ ਕਨੇਡੀਅਨ ਨੈਸ਼ਨਲ ਨੇ ਆਖਿਆ ਹੈ ਕਿ ਉਹ ਸੰਤੁਸ਼ਟ ਹਨ ਕਿ ਇੰਜੰਕਸ਼ਨ ਨੂੰ ਆਖਿਰਕਾਰ ਲਾਗੂ ਕਰ ਦਿੱਤਾ ਗਿਆ ਸੀ ਅਤੇ ਕੰਪਨੀ ਕਿਸੇ ਵੀ ਪ੍ਰਦਰਸ਼ਨਕਾਰੀ ਵਿਰੁੱਧ ਕ੍ਰਿਮੀਨਲ ਜਾਂ ਸਿਵਿਲ ਕੰਟੈਂਪਟ ਵਿੱਚ ਕਨੂੰਨੀ ਐਕਸ਼ਨ ਨਹੀਂ ਲਵੇਗੀ।
ਯਾਦ ਰਹੇ ਫਰਵਰੀ 2020 'ਚ ਨਿਊ ਹੇਜਲਟਨ ਕੋਲ ਸੀ.ਐਨ. ਰੇਲ ਦਾ ਰਸਤਾ ਰੋਕਣ ਲਈ 3 ਹੈਰੀਡਿਟਰੀ ਚੀਫ਼ਸ ਸਮੇਤ ਕੁੱਲ 12 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ।
