15.29C Vancouver 15.29C VancouverMay 11, 2021 9:47 PM -
15 ਗਰੁੱਪਾਂ ਦੇ ਇੱਕ ਕੋਅਲਿਸ਼ਨ ਨੇ ਸਿਟੀ ਆਫ ਵੈਨਕੂਵਰ ਅਤੇ ਫੈਡਰਲ ਸਰਕਾਰ ਨੂੰ ਮੰਗ ਕੀਤੀ ਹੈ ਕਿ ਡਰੱਗ ਡੀ-ਕ੍ਰਿਮਿਨਲਾਈਜ਼ੇਸ਼ਨ ਦੇ ਮਾਮਲੇ 'ਚ ਪਲੈਨਸ ਬਾਰੇ ਹੋਰ ਵਿਚਾਰ ਕੀਤਾ ਜਾਵੇ।
ਗਰੁੱਪਾਂ ਦੇ ਗਠਜੋੜ ਨੇ ਮੰਗ ਕੀਤੀ ਹੈ ਕਿ ਹੁਣ ਤਕ ਦੇ ਵਿਚਾਰ ਵਟਾਂਦਰੇ ਤੋਂ ਡਰੱਗਸ ਦੀ ਵਰਤੋਂ ਕਰਨ ਵਾਲਿਆਂ ਨੂੰ ਪਾਸੇ ਰੱਖਿਆ ਗਿਆ ਹੈ।
ਇਹਨਾਂ ਗਰੁੱਪਾਂ ਦਾ ਕਹਿਣਾ ਹੈ ਕਿ ਜੇਕਰ ਹਾਲ ਦੇ ਪ੍ਰਪੋਜ਼ਲਸ ਨੂੰ ਬਿਨਾ ਕਿਸੇ ਬਦਲਾਅ ਹੋਂਦ 'ਚ ਲਿਆਂਦਾ ਜਾਵੇਗਾ ਤਾਂ ਲਾਭ ਦੀ ਜਗ੍ਹਾ ਨੁਕਸਾਨ ਹੋ ਸਕਦਾ ਹੈ।
ਇਸ ਬਾਬਤ ਫੈਡਰਲ ਸਿਹਤ ਮੰਤਰੀ ਪੈਟੀ ਹਾਏਡੂ ਨੂੰ ਇੱਕ ਚਿੱਠੀ ਵੀ ਲਿਖੀ ਗਈ ਹੈ।
ਇਸ 'ਚ ਕਿਹਾ ਗਿਆ ਹੈ ਕਿ ਡੀਕ੍ਰੀਮੀਨਲਾਈਜ਼ੇਸ਼ਨ ਦੇ 'ਵੈਨਕੂਵਰ ਮਾਡਲ' ਵਿੱਚ ਪੁਲਿਸ ਦੇ ਬਹੁਤ ਹੱਕ ਰੱਖੇ ਗਏ ਹਨ।
ਵੈਨਕੂਵਰ ਮਾਡਲ 'ਚ ਸਲਾਹ ਦਿੱਤੀ ਗਈ ਹੈ ਕਿ ਲੋਕਾਂ ਨੂੰ 3 ਦਿਨ ਦੀ ਸਪਲਾਈ ਰੱਖਣ ਦਾ ਹੱਕ ਹੋਣਾ ਚਾਹੀਦਾ ਹੈ ਪਰ ਆਲੋਚਕਾਂ ਦਾ ਕਹਿਣਾ ਹੈ ਕਿ ਇਹ ਬਹੁਤ ਘੱਟ ਸੰਖਿਆ ਹੋਵੇਗੀ।
ਬੀ.ਸੀ. 'ਚ ਸਾਲ 2020 'ਚ 1,723 ਲੋਕਾਂ ਨੇ ਓਵਰਡੋਜ਼ ਕਾਰਨ ਜਾਨ ਗਵਾ ਦਿੱਤੀ।
ਇਸ ਤੋਂ ਇਲਾਵਾ ਸਾਲ 2016 'ਚ ਪਬਲਿਕ ਹੈਲਥ ਐਮਰਜੈਂਸੀ ਦੇ ਐਲਾਨ ਤੋਂ ਬਾਅਦ 7,000 ਤੋਂ ਵਧੇਰੇ ਮੌਤਾਂ ਹੋ ਚੁੱਕੀਆਂ ਹਨ।
